Скачать или смотреть हातिद येथे काबाड कष्ट करून पिकवलेल्या डाळींब बागेवर अज्ञात चोरट्यांचा डल्ला; मुलाणी कुटुंबीय हवालदिल

सांगोला तालुक्यातील हातीद येथे राहणाऱ्या शेतकरी अल्ताफ पाप्पासाहेब मुल्ला यांच्या एक एकर डाळिंब बागेमधील सुमारे तीनशे झाडाला मालं डाळिंब विकण्यासाठी आलेला असताना दिनांक १२ जून २०२५ रोजी रात्री चोरट्याने संपूर्णतः तीनशे झाडाची डाळिंब चोरून नेल्याने वर्षभर अतिशय काबाड कष्टाने सांभाळलेल्या डाळिंब बाग ही दुसऱ्या दिवशी विकण्यात येणार होती परंतु वातावरणातील बदलांमुळे पाऊस आल्याने सदर कुटुंबातील मुलाणी दांपत्य हे आपल्या राहत्या गावातील घरी गेल्यानंतर रात्री चोरट्याने संपूर्ण डाळिंबाची बाग आलेले डाळिंब झाडाचे काढून पूर्ण भाग नेस्तनाबूत केली यामुळे शेतकऱ्याची परिस्थिती गरीब असल्याने अक्षरशः हे कुटुंब उघड्यावर आले आहे. मुलाणी कुटुंबांनी दिलेल्या माहितीनुसार डाळिंबाची बाजारात किंमत सद्या ही १५० रुपये प्रति किलो असून या शेतकऱ्याला चार लाख रुपयांचा एका रात्रीत नुकसान झाले असून या शेतकऱ्यांचं खूप मोठं आर्थिकदृष्ट्या नुकसान झाले आहे.घरची सद्याची परिस्थिती अतिशय गरीबीची असून त्यांनी स्वतःची शेती सांभाळत असताना १२ जूनच्या रात्रीत त्याचे होत्याचे नव्हते झाले. तरी या शेतकऱ्याला न्याय मिळावा ही अपेक्षा या कुटुंबात राहणाऱ्या सर्व व्यक्ती व हतीद ग्रामस्थांकडून व्यक्त होत आहे.