Скачать или смотреть ប្រាសាទសំបូរព្រៃគុហ៌ ចែកចេញជាបីតំបន់ សំរាប់ទស្សនា គឺតំបន់ប្រាសាទសំបូរនៅទិសខាងជើង ធ្លាប់មានប្រាង្គ

ប្រាសាទនៅតំបន់សំបូរព្រៃគុហ៌ មានទីតាំង30គ.ម នៅខាងជើងក្រុងកំពង់ធំ 175គ.ម នៅឥសាន្តក្រុងសៀមរាប-អង្គរ និង205គ.ម ពីរាជធានីភ្នំពេញ។

សំបូរព្រៃគុហ៌ជារាជធានីបុរាណរបស់ព្រះបាទឥសាន្តវរ្ម័នទី២ ក្នុងសម័យនគរចេនឡាលិចទឹក នៃសតវត្សទី៧ ដែលមានទំហ៊ុំផ្ទៃដីសរុប 300ហិកតា ពោលគឺទទឹង (កើត-លិច) 1គ.ម, បណ្តោយ (ជើង-ត្បូង) 5គ.ម។

កសាងជាក្រុងធានី និងជាប្រាង្គប្រាសាទឧទ្ទឹសថ្ចាយដល់ព្រហ្ម័ញ្ញសាសនា ដែលមានប្រាសាទសង់ពីឥដ្ឋតាន់ប្រមាណ140ប្រាង្គ។ តែបច្ចុប្បន្ននៅសល់តែ40ប្រាង្គប្រាសាទប៉ុណ្ណោះ។ ដោយសារការបំផ្លិចបំផ្លាញក្នងសម័យសង្គ្រាមដែលសៀម ចូលលុកលុយ នៅសតវត្សទី14-15។ សង្គ្រាមសម័យលន់ នល់ ជាកន្លែងច្រកពួនលាក់ខ្លួន របស់ទាហានយៀកកុងយៀកណាមខាងជើង ព្រោះជាតំបន់ព្រៃស្រោង ដែលធ្វើអោយ ខាងលោក លន់ នល់ ទំលាក់គ្រាប់បែក ក្នុងទីបរិវេណប្រាសាទផងដែរ។ និងក្រោយសម័យខ្មែរក្រហមមានការជីកកកកាយ រកកំណប់ លួចក្បាលអ្នកតា យ៉ាងអាណាធិបតេយ្យ, កត្តាអាយុកាល និងបោះបង់ចោលយ៉ាងយូរ ដែលជាកត្តាធ្វើអោយប្រាសាទបាក់បែករិចរិលបាក់រលំ ហើយដើមឈើធំៗប៉ុនកង់រទេះ ក៌ត្រូវកាប់អស់គ្នានសល់ផងដែរ ដើមឈើ ដែលមាននៅពេលនេះគឺជាដើមឈើ ទើបដុះថ្មីៗ ប្រមាណរវាងពី25-35ឆ្នាំប៉ុណ្ណោះ។

ប្រាសាទសំបូរព្រៃគុហ៌ ចែកចេញជាបីតំបន់ សំរាប់ទស្សនា គឺតំបន់ប្រាសាទសំបូរនៅទិសខាងជើង ធ្លាប់មានប្រាង្គសរុប51 តែឥលូវនៅសល់តែ12។ តំបន់នេះ មានប្រាង្គគួរចាប់អារម្មណ៌ ដោយមានប្រាង្គឥដ្ឋរាងប្រាំបីជ្រុងដែលតំណាងអោយទិសទាំងប្រាំបីនៃចក្រវាឡ ហើយសំរាប់ឧទ្ទឹសថ្វាយដល់ព្រះវិស្ណុនិងអវតារបស់ព្រះអង្គ កាលគិន។

តំបន់ខាងលិចគឺតំបន់ដែលមានប្រាសាទតោជាគោល ហើយធ្លាប់មានប្រាង្គសរុប37 តែនៅសល់តែមួយប៉ុណ្ណោះ។ ប្រាសាទតោ មានចំលាក់លើផ្តែ និងលើទ្វាបញ្ឆោត យ៉ាងរស់រវើក។

ប្រាសាទយាយព័ន្ធ មានសរុបទាំងអស់37 តែឥលូវនៅសល់តែ7 ប៉មប៉ុណ្ណោះ។ ជាក្រុមប្រាសាទមានកំពែងឥដ្ឋព័ទ្ធជុំវិញ នៅមានលក្ខណ:ល្អ ហើយជាប៉មប្រាសាទដែលសង់ឧទ្ទឹសដល់ព្រះសីវ:។
ឆាណែលយូធូប "មគ្គុទ្ទេសក៍អង្គរ" យើងខ្ញុំ ពុំមានចំណូលអ្វីទេ តែយើងខ្ញុំបានចំណាយច្រើន ពេលចេញទៅថតនិងកាត់តម្តងៗ។ ដូច្នេះយើងខ្ញុំ សូមអធ្យាស្រ័យដល់បងប្អូន ដែលចូលចិត្តតាមដាននិងគាំទ្រឆាណែលយើងខ្ញុំ ដែលនិយាយអំពីប្រាង្គប្រាសាទអង្គរ សូមមេត្តាជួយឧបត្ថម្ភដល់យើងខ្ញុំ ទោះតិចតួចក្តី ដើម្បីអោយយើងខ្ញុំ មានលទ្ធភាពរួមចំណែកផ្សព្វផ្សាយវប្បធម៌ខ្មែរយើងបន្តទៅទៀត។ នេះជាគឺលេខកុង ABA:(SOEUN THY: 001129666) សូមអរគុណ។
Our YouTube Channel "Your Angkor Guide" so far has not earned anything. On contrary, we had spent in making videos and editions. From this point of view we would like to ask all of you who are supporting our channel please help us for making our channel is able to continue its process of them of Glory of Angkor's history. Here is our ABA Bank account (SOEUN THY: 001129666). Thank you for your kind helps.
#សូមចុច_subscribe_ដើម្បីទទួលបានវីដេអូថ្មីៗទៀត_មគ្គុទ្ទេសក៍អង្គរ_Your_Angkor_Guide ទំនាក់ទំនងតាម Telegram-Whatsapp: +85512630258, +85512794945
Email: [email protected]