Скачать или смотреть Gozos ni San Vicente Ferrer (Lyrics)

GOZOS

1. Kay mag-alampo ka nga tinuod
Ug manlalaban ka man namo.

KAMI VICENTE SA DIOS IG-AMPO KAMI NGA
KANIMO MANAGLAUM.

2. Ang Birhen ug si San Juan Ebangelista
Sa wala pa nagni matawo ka,
Kanamo daan siya misaad
Sa pagkatawo mo nga bulahan
Ug sa kalipay ginabantug
Sa kalipay himayang daku.

KAMI VICENTE SA DIOS IG-AMPO KAMI ubp.

3. Natawo ka nga katingalahan
Kay sa pagmilagro maalam ka,
Nagbuot ikaw sa nga tanan
Sa usa ka pagbuot nga gamhanan
Ug nahadlok man ang impiyerno
Sa nawong mong maligdong.

KAMI VICENTE SA DIOS IG-AMPO KAMI ubp.

4. Sa siyam ka tuig ang edad
Gibuhi mo ang usa ka bata
Nga nahimo nga saksi nga dayag,
Sa katingalahan mo nga grasya
Ug nagmatuod kining milagro
Nga higala kang daan ni Hesus.

KAMI VICENTE SA DIOS IG-AMPO KAMI ubp.

5. Ni Santo Domingo giduaw ka,
Ug sa bisti nga sagrado niya
Nahimo kang tumong ug sama
Sa suga nga kanimo nag-iwag
Ginganlan ka ni Kristo nga Apostol
Ug mag-uuna nga matuod.

KAMI VICENTE SA DIOS IG-AMPO KAMI ubp.

6. Daghanan uyamut nga Judios,
Ang gipabalik mo sa Dios
Ug walo ka libong moros
Gibuhat mo sila nga kristianos
Erehes dili maisip gayud
Ang ginakabig mo kang Kristo.

KAMI VICENTE SA DIOS IG-AMPO KAMI ubp.

7. Ingon ikaw ug Anghel nga langitnon
Nagwali ka sa Valenciano
Ug Nagkalainlain nga nacion
Nanagkasabot sa imong gipamulong
Mahitingala unta ang mga kristianos
Sa pagtan-aw ning lucero.

KAMI VICENTE SA DIOS IG-AMPO KAMI ubp.

8. Ang usa ka babayeng buang
Nagapatay sa iyang anak,
Kay iya man gihunahuna
Nga pagkan-on unta niya,
Giluto niya nga tinadtad
Ug buhi giuli mo kaniya.

KAMI VICENTE SA DIOS IG-AMPO KAMI ubp.

9. Kapin sa tulo ka libong tawo.
Sa diyutay nga pan gibusog mo,
Nianang Milagros gibutang mo
Ang imong pagkasantos nga daku

Busa Vicente naamigos mo
Ang adunahan ug mamumuo.

KAMI VICENTE SA DIOS IG-AMPO KAMI ubp.

10. Nga ang Anghel ka imong gisaysay
Ug ang usa ka tawo nga minatay
Bisan nga matuod nga patay
Ang gisugo mo iyang gisumay
Sa kinabuhi niya gibalik mo
Hasta sa nadugay nga tiempo.

KAMI VICENTE SA DIOS IG-AMPO KAMI ubp.

11. Nagwali ang imong larawan
Sa duha ka tangkod nga semana
Ug daghang tawo nahigawas
Sa mga sayop ug kasal-anan
Ang mga sala nagakadiyutay,
Ug ang paglumay nga bakakon.

KAMI VICENTE SA DIOS IG-AMPO KAMI ubp.

12. Sa pagmilagro nagabagting ka
Ug ang mga tawo nga maluya
Sa mga kasakit nga daghanan,
Nga tanan imong gilipayan,
Ang kasakit sa silot gitambalan
Sa imo lamang nga pagtambong.

KAMI VICENTE SA DIOS IG-AMPO KAMI ubp.

13. Ang mama, ang buta ug bakul
Ang piang ug ang tawo nga bungol
Gitmbalan mo, ug ang miabut
Sa paghalok sa tiil mong Santos
Ngani ang mao nga punoan mo,
Ikaw gayud ang gipamilagro.

KAMI VICENTE SA DIOS IG-AMPO KAMI ubp.

14. Mananabang ka sa mga mag-alanak,
Ingon man sa dili makag-anak,
Pagkuhaan mo sa kabilinggan
Aron dayon mahimo nga Inahan,
Ang pobre nga makalolooy ug hangol,
Gibuhat mo ang kabus dato.

KAMI VICENTE SA DIOS IG-AMPO KAMI ubp.

15. Minatay kap-atan ug unom
Ang gipanggawas mo sa lubong
Kay gibuhi mo sila pag-usab
Ug sa kalibutan giuli mo
Ug kay nawala sa ngalan mo
Ang lalang sa bitin nga maitom.

KAMI VICENTE SA DIOS IG-AMPO KAMI ubp.

16. Ang usa ka umol nga dugo
Sa reliquias mo gitongtong
Ug gilayon gayod nahimo
Ang usa ka bata nga maanindot
Mao ra usab ang nahitabo
Sa anak sa usa ka kaballero.

KAMI VICENTE SA DIOS IG-AMPO KAMI ubp.

17. Doktor man Anghel ug Propeta
Birhen ug Apostol ginganlan ka
Ug gibuhat mo ang imong paglaban
Sa mga debotos mong nag tanan,
Sa pagpangamuyo na nimo
Sa pagtabang mo sa kamatayon.

KAMI VICENTE SA DIOS IG-AMPO KAMI ubp.

18. Kay mag-alampo ka nga tinuod
Ug manlalaban ka man namo.

KAMI VICENTE SA DIOS IG-AMPO KAMI NGA
KANIMO MANAGLAUM.