Putupagala Mountain Camping | Belihuloya Srilanka

වම් පැත්තෙන් "දොරපෑලියගල " ඒකට එහෙම කියන්න හේතුව කුඹුරු අස්වැද්දීමෙන් පසුව අස්වනු නෙලීමට අවශ්‍ය උපකරණ නැති උණාම මේ ගමේ මිනිස්සු ඔය දොරපෑලියගල ගාව ඉඳන් කන්නලව් කරනවලු තමන්ට උපකාර කරණ ලෙස ඉල්ලල .. එතකොට ඔය ගල් දොරක් ඇරිල ඒ අදාල ගොයම් කැපීමට අවශ්‍ය දෑ කැති වගේ දේවල් ලබාදෙනවලු .. එ ගන්න දේවල් නැවත එයාල ගොයම් කැපීමෙන් පසුව බාරදුන්න නිසා මේ නම වැටිල තියන බව තමා ගමේ අය අපිට කිවුවෙ ..

වම් පැත්තෙන් තියන කඳු ගැට දෙකට කියන්නෙ "පුටුපාගල" කියල ඒකට හේතුව රාවණා රජු විසින් මෙතන ඉඳල දුන්නෙන් විද්ද කියල ගෙතුණු ජනකතාවක් නිසා .
ගොඩක් කඳු ගල්ගුහා එක්ක මේ රාවණා කතා පුවත හා ගොඩනැගුණු විවිද කතාන්දර අපිට අහන්න ලැබෙනව ..
මේකත් ඒකෙන් එකක් වෙනව ගැමියෝ කියන ආකාරයට

ඊට පිටුපසින්
මැද තියෙන්නෙ නහය වගේ කන්ඳ "නාස්දඬුහීන්න"
එහෙම තමා.මේ කඳු ටික හදුන්වන්නෙ.
මේ ජනප්‍රවාද කාලෙක ඉඳල කටින් කට ආව කතන්දර සහ නම් .
ගමේ මාම කෙනෙක් එක්ක අපි එක්ක කියපු කතාවකින් උපුටාගෙන මම මේ සටහන දැම්මෙ ...

ඒ මාම කියපු විදියට ඔය පහල පයිනස් ගස් වවන්න කලින් නෙල්ලි ගස් තිබිල තියෙන්නෙ ඇඹුල් නෙල්ලි කාපු අය දන්නව ඒකෙ රස ..🌿❤
කොහොම හරි මෙ ගමේ මේ පයිනස් වගා කිරීමත් එක්ක විශාල පරිසර වෙනස්වීම් වෙලා තියනව. නෙල්ලි ශාකය විනාශ වෙලාම ගිහින් තියනව ..
ජල මූලාශ සිඳීයාමත් එක්ක ගොවිතැන් කටයුතු අඩාල වෙලා තියනව ..

මම දැකපු අනිත් දේ තමා මේ ගමේ අය ගම් අතර යාමට බාවිතා කරන අඩිපාර වැටිල තියෙන්නෙ මේ පයිනස් කැලේ හරහා.. 🌿
කඳු බෑවුම් අතර යන මේ පාරෙ පයිනස් කූරු නිසා ලිස්සල අනතුරු වීමේ විශාල අවධානමක් තිබ්බ ඒ වගේම අපිටත් ඒකෙ ඒ අත්දැකීම විඳින්න උනා ..

පයිනස් ශාකය සීතල රටවල් වල වැවෙන නිසා හිම වැටීමෙන් ශාක පත්‍ර වලට හානිය අවම කිරීමට .. ඉතා සිහින්ව සහ සුමට බවක් ලැබී ඇත..
එ වගේම ජලය හොඳින් ගබඩා කර නියං කාලයකද හොඳින් මුහුන දීමට මෙම ශාක අනුවර්ථනය වෙලා තියනව .

මෙවුව ඉතින් සුදු මහත්වරු ගෙනල්ල ලංකාවෙ හිටවපු පිලිල තමා 🫡🌿😢