Скачать или смотреть LA VILA DE PAU

LA VILA DE PAU

Paroles et musique : Marilis Orionaa
Arrangement : Olivier Kléber-Lavigne
Album Ça-i ! (Trema / Sony Music 1996)

Voix : Marilis Orionaa
Guitare : Olivier Kléber-Lavigne
Percussions : Nicolas Martin-Sagarra
Contrebasse : Martine Urbain
Prise de son et mixage : Gérard Cauquil
Photo : Gérard Cauquil


LA VILLE DE PAU

À la ville de Pau
Parfois en automne
Quand on vendange
Aux alentours
La lumière est tellement dorée dans le ciel de Pau
On dirait que le soleil
A bu du jurançon

À la ville de Pau
Il y a le gave vaillant
Nonchalant l’été
Et l’hiver turbulent
Et dans le courant quand on passe le pont
On entend l’écho
Des chansons de la montagne

À la ville de Pau
Il y a le grand boulevard
Le pic d’Ossau bleuit
Derrière les coteaux
Il y a de l’ardoise qui devient violette le soir
Sur le toit du château
De la ville de Pau

À la ville de Pau
Sur le grand marché
Il y a des gens gaillards
Des paysans dégourdis
Qui bavardent le béret sur la tête
On parle béarnais
À la ville de Pau

À la ville de Pau
Il y a la place Royale
À cause du roi palois
Ils s’en croient un peu
La reine Marguerite leur a tourné la tête
Ils sont un peu coquets
Et un peu prétentieux

À la ville de Pau
J’ai tout oublié
Je l’aimais
Je ne l’aimais plus
Et depuis je ne peux plus je ne sais plus pleurer
Et maintenant il pleut
Sur la ville de Pau


LA VILA DE PAU

A la vila de Pau
A bèths còps en abòr
Quan ei temps de vrenhar
A l’entorn deu parçan
La lutz qu’ei tant daurada dins lo cèu de Pau
Diserés que lo só
Qu’a bevut jurançon

A la vila de Pau
Que i a lo gave valent
Qui lampoina l’estiu
E l’ivèrn trabatent
E dins lo briu de l’aiga quan passas lo pont
Diserés lo resson
De las cantas d’amont

A la vila de Pau
Que i a lo gran baloard
Que blueja l’Aussau
Darrèr los costalats
Que i a lausa qui vad vriuleta lo ser
Sus lo teit deu castèth
De la vila de Pau

A la vila de Pau
Sus lo gran marcadau
Que i a monde hardits
Paisans esberits
E lo bonet suu cap que batalan atau
Que s’i parla biarnés
A la vila de Pau

A la vila de Pau
Que i a la plaça Reiau
Pr’amor deu rei paulin
Que se’n creden un drin
Margalida la reina que’us a capvirats
Que n’an drin de fadèr
E drin d’orgulhosèr

A la vila de Pau
Que m’èi tot desbrombat
Tant per tant l’èi aimat
Tant per tant desaimat
E despuish ne poish pas ne sèi pas mei plorar
E adara que plau
Sus la vila de Pau

(graphie alibertine)


LA BILE DE PAU

À la bile de Pau
À bèths cops en abòr
Quoàn éy téms de bregnà
À l’entoùr dou parsâ
La luts qu’éy tan daurade dins lou cèu de Pau
Diserés que lou sou
Qu’a bebùt yurançoû

À la bile de Pau
Que y a lou gabe balén
Qui lampouyne l’estìu
E l’ibèr trabatén
E dins lou brìu de l’aygue quoàn passes lou poun
Diserés lou ressoû
De las cantes d’amoùn

À la bile de Pau
Que y a lou gran balouàr
Que bluéye l’Aussàu
Darrè lous coustalàts
Que y a lause qui bat briuléte lou sé
Sus lou téyt dou castèth
De la bile de Pau

À la bile de Pau
Sus lou gran marcadàu
Que y a mounde hardìts
Paysâs esberìts
E lou bounét s’ou cap que batalen atàu
Que s’y parle biarnés
À la bile de Pau

À la bile de Pau
Que y a la place Reyàu
Pr’amoù dou rey paulìn
Que se’n créden un drin
Margalide la rèyne qu’ous a capbiràts
Que n’an drin de fadè
E drin d’ourgulhousè

À la bile de Pau
Que m’èy tout desbrombàt
Tan per tan l’èy aymàt
Tan per tan desaymàt
E despùch ne pouch pas ne sèy pas mey plourà
E adare que plau
Sus la bile de Pau

(graphie fébusienne)