Amangeldi Babaýew-GÖRESIM  GELÝÄR. Goşgy (2022)

 " GÖRESIM  GELÝÄR "
              Amangeldi Babaýew

Köñülde bir uly arzuw besleýän,
Men şeýlebir seni görmek isleýän.

Kän zat hakda gürrüň beresim gelýär,
Men seni şeýle bir göresim gelýär.
Senli günleň bagty başgaça bolýar,
Men seni şeýle bir göresim gelýär.

Ýaşlygymda meniň arzuwym bolduň,
Ýazda gülläp, sensiz saralyp soldum
Göýä sensizlikde men demsiz galdym,
Men seni şeýle bir göresim gelýär.

Bizi bagta eltdi söýgüniñ güýji,
Duşuşyk süýji zat, aýralyk ajy,
Bu gün oýa batyp, ýatlap geçmişi,
Men seni şeýle bir göresim gelýär.

Bir günlikmi, ömürlikmi, bilmedim.
Wagt geçdi, ýeňlemedim, gülmedim,
Her pursatda seni ýatlap zarladym,
Men seni şeýle bir göresim gelýär.

Käte ejiz duýýaryn men özümi,
Käte ýekelikde bagrym daglaýan,
Halys ýürek aýralyga dözmeýär,
Men seni şeýle bir göresim gelýär.

Geçdim sensiz ençe ýoly, alysy,
Ýadadym bar zatdan, ýadadym juda,
Sen ekeniň durmuşymyň manysy,
Men seni şeýle bir göresim gelýär.

Ýüregim gürleýär, dillerim dymyp,
Ýüregimiň zaryny şygyra salyp,
Amangeldi ýatlar, göze ýaş alyp,
Men seni şeýle bir göresim gelýär

                       1 iýul 2022