Скачать или смотреть Tv Klan - Rritet me 25% dogana për importin e automjeteve

Nëse blini një makinë jashtë vendit duke nisur nga kjo javë, do të duhet të paguani 25% më shumë për ta zhdoganuar atë.

Udhëzimi i Ministrisë së Financave, i diktuar nga një vendim i Këshillit të Ministrave që autorizon Drejtorinë e Doganave për të vendosur çmimin e referencës për mallrat që zhdoganohen, sjell këtë rritje të ndjeshme të çmimeve që do të aplikohen në Doganën shqiptare për automjetet e importuara.

Për çdo makinë që ka vite prodhimi mbi 10 vjet, do të aplikohet çmimi i referencës, pavarësisht vlerës që ju e keni bërë jashtë vendit, ndërsa për makinat e prodhuara gjatë 10-vjeçarit të fundit, për tarifen e zhdoganimit dogana do të bazohet tek vlera e faturës që disponon blerësi i automjetit.

Kështu, nëse deri më sot, bazuar mbi udhëzimin e 7 viteve më parë për automjetet deri në 1400 kubik, vlera minimale e zhdoganimit ishte 130 mijë lekë, nga dje kjo vlerë është rritur në 162.5 mijë lekë. Për kategorinë mbi 1400–1900 kubik, pragu minimal kalon nga 200 mijë lekë në 250 mijë lekë. Për automjete 1900-2500 kubik, nga 325 mijë lekë do të paguhet për zhdoganimin në 406 mijë lekë.

Nga 400 mijë lekë në 500 mijë lekë për 2500-3000 cc, nga 500 mijë lekë në 625 mijë lekë për 3000-4500 cc dhe nga 800 mijë lekë në 1 milion lekë për automjetet mbi 4500 cc.

Me 25% rritet çmimi i referencës së zhdoganimit për të gjitha kategoritë e automjeteve: kamionçinat, furgonët dhe kamionët.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/