Скачать или смотреть ግብፅ በኢትዮጵያ ተከሰሰች

ኢትዮጵያ ከግብፅ ጨዋታ ጋር በተያያዘ ለFIFA ክስ አቀረበች።

ትላንትና በግብፅ፣ ካይሮ ኢትዮጵያ ከግብፅ ጋር ያደረገችውን የዓለም ዋንጫ ማጣሪያ ጨዋታ 2 ለ 0 በሆነ ውጤት ተሸንፋለች።

ከዚህ ጨዋታ ጋር በተያያዘ የግብፅ ደጋፊዎች የፈጸሙትን ተግባር በተመለከተ የኢትዮጵያ እግር ኳስ ፌዴሬሽን ለዓለም አቀፉ የእግር ኳስ አስተዳዳሪ አካል FIFA ክስ አስገብቷል።

ፌዴሬሽኑ የግብፅ ብሔራዊ ቡድን የፍፁም ቅጣት ምት ሲያገኝ " ግብ ጠባቂው አቡበከር ኑራ እይታውን ሊረብሽ የሚችሉ መብራቶች (ጨረር) አይኑ ላይ ተደርገውብታል " ብሏል።

ከዚህ በተጨማሪ በጨዋታው ወቅት ለማየት እንደተሞከረውና በስታዲየሙ ተገኝቶ በምስል ለማስቀረት እንደቻለው የኢትዮጵያ የፊት መስመር ተጫዋቾች በሚያጠቁበት ጊዜ ድርጊቱ በተደጋጋሚ ይፈፀም ነበር።

የግብፅ ብሔራዊ ቡድን ደጋፊዎች ይህን ድርጊት በተደጋጋሚ ጊዜ በተለያዩ ጨዋታዎች ላይ ሲያደርጉ ይስተዋላል።

FIFA በስታዲየም ቁጥጥር ህገ ደንቡ መሰረት ተንቀሳቃሽ መብራቶች / ጨረር (Laser Pointers) ወደ ስታዲየም ይዞ መግባትን ይከለክላል።

ሌላው የኢትዮጵያ እግር ኳስ ፌዴሬሽን ክስ የኢትዮጵያ ብሔራዊ መዝሙር ሲዘመር የታየውን አሳፋሪ የግብፅ ደጋፊዎችን ድርጊት ይመለከታል።

የግብፅ ደጋፊዎች የኢትዮጵያ ብሔራዊ መዝሙር ሲዘመር ተገቢ ያልሆነ ድርጊት እና ክብር የሚነካ ተግባር መፈጸማቸውን በመግለፅ ፌዴሬሽኑ ለFIFA ክሱን አቅርቧል።

የግብፅ ደጋፊዎች የኢትዮጵያ ብሔራዊ መዝሙር ሲዘመር የአንድን ሀገር ክብር በማይመጥን መልኩ ከፍተኛ ጩኸት እያወጡ በማወክ ፣ ፊሽካ በመንፋት እንዲሁም የተለያዩ ድምፆችን በማሰማት ብሔራዊ መዝሙሩን ሲረብሹ ነበር።

ይህ የግብፃውያን ድርጊት የFIFA የዲሲፕሊን ኮድን የሚጥስ በመሆኑ የኢትዮጵያ እግር ኳስ ፌዴሬሽን ክሱን ለFIFA አቅርቧል።

ፌዴሬሽኑ FIFA የቀረበውን ክስ ተመልክቶ ተገቢውን ምርመራ ከፍቶ የግብፅ ደጋፊዎች ለፈጸሙት ተግባር በግብፅ እግር ኳስ ፌዴሬሽን ላይ ተጠያቂነትን እንዲያሰፍን ጠይቋል።

FIFA ከፌዴሬሽኑ የቀረበለትን ክስ ተመልክቶ በቀጣይ ጥቂት ቀናት ውሳኔ እንደሚያስተላልፍ ይጠበቃል።