Anvar qori Tursunov Alisher Navoiyning “Nasoyim ul-muhabbat” asari haqida (2018)

Aнвар қори Турсунов Aлишер Навоийнинг “Насойим ул-муҳаббат” асари ҳақида (2018)

Ҳазрат Aлишер Навоийнинг нурли асарларидан бири, азиз авлиёларнинг ибратли умр йўлларидан, қолдирган ҳикматларидан ҳикоя қилувчи "Насойим ул-муҳаббат" асосида тасвирга олинган мазкур кўрсатувда таниқли ислом уламоси Aнвар қори Турсунов (Аллоҳ раҳматига олган бўлсин) ҳикоятларни, асардаги минг йиллик ҳикматларни кенг оммага тушунарли тарзда шарҳлаб берадилар.

Буюк донишманд, улуғ мутафаккир Амир Алишер Навоий умрининг сўнгги йиллари ўз ҳаётида тўплаган кўп йиллик билими, тажрибалари ва хулосалари асосида ҳижрий 901 (милодий 1495–1496) йили “Насойимул муҳаббат мин шамойимил футувват” (“Улуғлик хушбўйликларини таратувчи суюкли шабадалар”) тазкирасини ёзиб қолдирган. Мазкур асар VII аср бошидан XV аср охиригача – тўққиз аср давомида Яқин Шарқ, Марказий Осиё, Ҳиндистон ва Шарқий Туркистонда яшаб ижод этган 770 (улардан 35 нафари аёллар) авлиёнинг ибратли ҳаёти, донишманд фикри, ҳаётидаги ғаройиб ишлари (хавориқ одот) ва кароматларига бағишланган.

Anvar qori Tursunov Alisher Navoiyning “Nasoyim ul-muhabbat” asari haqida (2018)

Hazrat Alisher Navoiyning nurli asarlaridan biri, aziz avliyolarning ibratli umr yo'llaridan, qoldirgan hikmatlaridan hikoya qiluvchi "Nasoyim ul-muhabbat" asosida tasvirga olingan mazkur ko'rsatuvda taniqli islom ulamosi Anvar qori Tursunov (alloh rahmatiga olgan bo'lsin) hikoyatlarni, asardagi ming yillik hikmatlarni keng ommaga tushunarli tarzda sharhlab beradilar.

Buyuk donishmand, ulugʼ mutafakkir Аmir Аlisher Navoiy umrining soʼnggi yillari oʼz hayotida toʼplagan koʼp yillik bilimi, tajribalari va xulosalari asosida hijriy 901 (milodiy 1495–1496) yili “Nasoyimul muhabbat min shamoyimil futuvvat” (“Ulugʼlik xushboʼyliklarini taratuvchi suyukli shabadalar”) tazkirasini yozib qoldirgan. Mazkur asar VII asr boshidan XV asr oxirigacha – toʼqqiz asr davomida Yaqin Sharq, Markaziy Osiyo, Hindiston va Sharqiy Turkistonda yashab ijod etgan 770 (ulardan 35 nafari ayollar) avliyoning ibratli hayoti, donishmand fikri, hayotidagi gʼaroyib ishlari (xavoriq odot) va karomatlariga bagʼishlangan.