Скачать или смотреть Sainikudi Uttaram, Ninna Ratri Poems | Devarakonda Balagangadhar Thilak | Amrutham Kurisina Ratri

కాశీ వెళితే ఇష్టమైనవి విడిచి పెట్టినట్టు,
యుద్ధానికి వెళ్లే సైనికుడు,
కుటుంబపు కొంగు ముడిని విడిచి
ఒంటరిగా ఆయుధాన్ని పట్టుకుంటాడు!
ఆ యుద్ధభూమే వారికి వారణాసి,
చావు బ్రతుకుల మధ్య పోరాడే ఆ మీమాంసే తన నుదుట విభూది!
అంతేగా..సైనికుడంటే, ఐహికాన్ని విడిచిపెట్టే ఋషేగా..!
అప్పటి ఋషులు దైవానికి తర్పణమిస్తే, ఈ ఋషులు దేశానికి తర్పణమవుతారు!
అలాంటి లోతైన ఆలోచనలు మోసే
సైనికుడి సిరాకి అక్షరమంటితే, తిలక్ కవితంత భారంగా ఉంటుంది!
ఓ రాత్రి పూట ఆ సైనికుడి స్వగతాన్ని,
తన భార్య వెచ్చటి కౌగిలింత జ్ఞాపకాన్ని,
కాలిపోయే నాగరికతని, కాల్చుకునే మానవీయతని,
అక్షర హారం అద్ది, 'సైనికుడి ఉత్తరం' కవితతో అర్ఘ్యం వొదులుతాడు తిలక్!
అలానే, ఒంటరి రాత్రి,
దైవం తో ఓ మనిషి చేసే లోతైన సంభాషణని
సమాజపు వాస్తవికతను,
గుండెకు గుచ్చుకునేలా 'నిన్న రాత్రి' కవితలో తన సిరాతో పొడుస్తాడు!
ఆ రెండు కవితలు రాసి, సుమారు శతాబ్దం అవుతున్నా
ఆ కవిత తాలూకు శబ్దాలు నేటి యుద్ధాలకి అబ్బేలా ప్రతిధ్వనిస్తున్నాయి!
యుద్ధం అనివార్యమని నమ్మే నమ్మకంలోనే,
మానవీయత తాలూకు విశ్వాసం చచ్చిపోతుందేమో!
ఇలాంటి తిలక్ కవితలు, వచ్చే తరానికి సాపేక్ష పడకుండా ఉండాలి కోరుకుంటూ.. గురవారెడ్డి!