「認股證篇」第三課：影響窩輪價格的市場因素

法巴學堂 | 法巴輪證課程 | 「認股證篇」第三課：影響窩輪價格的市場因素
https://education.bnppwarrant.com/tc/...

本課介紹影響窩輪價格的市場因素，包括相關資產價格、時間值、利率、派息及引伸波幅。

上集同大家講到，窩輪的價值，由內在值同時間值組成，唔知大家記唔記得呢？
相關資產的價格

影響窩輪價格嘅主要因素有好幾個，第一，係相關資產嘅價格，呢個相信比較易明。以CALL輪為例，一隻價內輪，當相關資產嘅價格越升，資產價格同行使價的差距越大，內在值就會提升，從而利好輪價。即使係價外輪，如果相關資產嘅價格越升，就算未到價，升穿行使價嘅機會亦會增加，因此輪價理論上亦會受惠。
時間值

第二個因素，自然係時間值。上集講過，年期越長的窩輪，所包含嘅時間值就越大，但窩輪每日有時間值損耗，越近到期，意味剩低嘅時間值就會越黎越少。所有窩輪到期時嘅時間值就會變做零，所以隨住時間過去，無論係CALL輪定PUT輪，時間值都會逐步扣減，不利輪價架。
利率

第三個因素，係利率，一般係指香港息率。當利率上升時，Call輪價格理論上會正面受惠，而Put輪價格將會受到負面影響。為甚麼呢？投資者買CALL輪，某程度上係因為發行商代投資者持有左正股，當利率上升，持貨成本增加，CALL輪就會貴左，相反PUT輪就會平左。不過香港息率接近零，窩輪年期普遍唔夠一年，利率呢個因素嘅影響力幾乎係微乎其微。
派息

第四係相關資產嘅派息。一般而言發行商會喺沽出CALL輪後買入正股作為對沖。發行商喺出一隻窩輪時，已經根據過往派息歷史，將預期的股息計算落窩輪價格入面，所以一般情況下，派息係唔會影響到輪價；不過，如果派息突然同原本發行商預期有大出入，或者除息日同以往不同，咁發行商原本預期會從股票上收嘅股息有變化，咁就有機會影響輪價。舉例嚟講，如果派息突然多過預期，即係除淨後股價會低左，所以CALL輪價格會即時反映並下跌，而Put輪價格會上升。

舉個例子，有隻股份股價係50元，本來佢年年都係派1元息，假如所有因素唔變，除完息就會變左49元；但有一年，佢突破派左2元息，即係除完息佢會變成48啦，由於價格會自動變低左，同佢掛鈎的CALL輪，價格都會跌左，而PUT輪就會高左。
引伸波幅

最後仲有一點，亦係最多投資者唔明嘅一點，就係引伸波幅。引伸波幅係指市場對正股價格未來波動性的預測，簡單黎講，預期波動性越高，引伸波幅就上升，call輪同put輪價格都會受惠，但比喻長假期前，由於預期交投一般較靜，咁引伸波幅就可能下跌，於是call put輪價格都會受到負面影響。遲啲嘅法巴學堂，我地會再詳細講解咩係引伸波幅。

一口氣講左咁多，係時候黎個總結，唔同因素點樣影響輪價，我地一眼睇晒！

變化
相關資產價格: 上升
時間值: 減少
引伸波幅: 上升
利率: 上升
派息: 多於發行人預期

認購證 Call 輪
相關資產價格: 價格上升
時間值: 價格下跌
引伸波幅: 價格上升
利率: 價格上升
派息: 價格下跌

認沽證 Put 輪
相關資產價格: 價格下跌
時間值: 價格下跌
引伸波幅: 價格上升
利率: 價格下跌
派息: 價格上升

法巴學堂 | 輪證 Q & A
https://education.bnppwarrant.com/tc/...
法巴學堂 | 輪證教學日誌
https://education.bnppwarrant.com/tc/...
法國巴黎銀行輪證網站
http://www.bnppwarrant.com/tc/index


本短片之內容並不構成任何建議、邀請、要約或遊說買賣結構性產品。牛熊證備有強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。結構性產品並無抵押品，如發行人或擔保人無力償債或違約，投資者可能無法收回部份或全部應收款項。投資者購買時，所依賴是發行人及擔保人的信譽。產品涉及高風險，價格可急升或急跌，投資者或會蒙受全盤損失。過往表現並不反映將來表現。投資者應注意發行人可能為交易市場唯一流通量提供者，購買前應瞭解相關風險，並查閱基本上市文件及有關補充上市文件內的詳情，並諮詢專業意見。