Скачать или смотреть 🔴🅻🅸🆅🅴 HakiTv:Kesi inayoendelea Mahakama ya Afrika dhidi ya Jamhuri ya Muungano wa Tanzania

#trending #tanzania #hakikat
🚨 KESI YA LHRC DHIDI YA TANZANIA YARINDIMA MAHAKAMA YA AFRIKA – FUATILIA LIVE KUPITIA HAKI TV

Kesi iliyofunguliwa na Kituo cha Sheria na Haki za Binadamu (LHRC) dhidi ya Serikali ya Tanzania kuhusu haki ya kupiga kura kwa wafungwa na Watanzania wanaoishi ughaibuni (diaspora) inaendelea kusikilizwa sasa katika Mahakama ya Afrika ya Haki za Binadamu na Watu.

📺 Fuatilia uchambuzi na kinachoendelea moja kwa moja kupitia Haki TV LIVE ili kujua hatma ya kesi hii muhimu inayogusa haki za kisiasa na demokrasia nchini Tanzania.

Kesi Hii Inahusu Nini?

LHRC imeiburuza Serikali ya Tanzania Mahakama ya Afrika kupinga Ibara ya 5(2)(c) ya Katiba ya mwaka 1977 pamoja na masharti ya Sheria ya Taifa ya Uchaguzi, ambayo yanawanyima baadhi ya raia haki ya kujiandikisha na kupiga kura, wakiwemo:

1. Wafungwa waliopatikana na hatia na kuhukumiwa kifungo
2. Mahabusu na watuhumiwa walioko mikononi mwa vyombo vya dola
3. Watanzania wanaoishi nje ya nchi (Diaspora)

LHRC inaeleza kuwa masharti haya yanawanyima mamia ya raia haki yao ya msingi ya kushiriki katika uongozi wa nchi kupitia kura.
Malalamiko ya LHRC

Kupitia kesi namba 041/2020, LHRC inalalamikia kuwa hatua ya kuwanyima makundi haya haki ya kupiga kura ni ukiukwaji wa haki za binadamu, ikiwemo:

1. Haki ya kushiriki katika masuala ya umma na kupiga kura, kama ilivyoainishwa katika Mkataba wa Afrika wa Haki za Binadamu na Watu, ICCPR na Tamko la Ulimwengu la Haki za Binadamu (UDHR).

2. Haki ya kutobaguliwa, kwa kuwa baadhi ya raia wanaondolewa katika mchakato wa uchaguzi bila sababu halali.

3. Haki ya usawa mbele ya sheria na ulinzi sawa wa sheria kwa mujibu wa mikataba ya kimataifa ya haki za binadamu.

LHRC imeiomba Mahakama ya Afrika:

1. Itamke kuwa kuwanyima wafungwa na Watanzania wa diaspora haki ya kujiandikisha na kupiga kura ni kinyume cha sheria na ukiukwaji wa haki za binadamu.

2. Iamuru Serikali ya Tanzania kuwaruhusu wafungwa wenye umri wa miaka 18 na zaidi pamoja na Watanzania wanaoishi ughaibuni kujiandikisha na kupiga kura.

3. Ichukue hatua za kisheria na kikatiba kuhakikisha haki ya kupiga kura inalindwa kwa raia wote bila ubaguzi.