Скачать или смотреть مرثية العم مدالله الزيدان ( رحمه الله ) - فهد حميّان خليفة

الكلمات :

طاح سقف البيت واثر على نفسي الركام
وانهدم جواي حلمي وذاتي ومطلبي
شمسنا غابت ودلهم سما الديره ظلام
وانكشف وجه الليالي وبين وش تبي
دارت بصدري معارك بلا راية سلام
كنها من قوها بين بكري وتغلبي
ترمي همومي ضلوعي مثل رمي السهام
لين ينزف كل حيلي ويغلبني تعبي
تشتكي حدب المحاني من كسور العظام
تشتكي والجفن دمعه يروي بشنبي
طبي بجسمي ودبي على الدنيا السلام
كولي من اطراف كتفي ومن دمي اشربي
ساسنا من بعد فرقاك يالطيب حطام
والشقى من بعد موتك بيتي ومركبي
السبت واحد وعشرين شعبان العتام
كل غيمة ضيق صبت ماها بمغربي
صامت عيوني قبل يبتدي شهر الصيام
راح من يكرم نظرها ويسند منكبي
والرثاء لا صار ماهو على مثلك حرام
انثري يا اقلام فقده حبرك واكتبي
قبل لا جسمي تشيله متونه وقام
شاله اسمك ياعسى روحك بجنب النبي
اطلب الله لادنت عيني على متن بالمنام
ان حلم الليل يجمع عيني بشايبي