Скачать или смотреть SOCAR Albaniyada qaz layihəsini sürətləndirir - Baku TV

SOCAR Albaniyada qaz layihəsini sürətləndirir - Baku TV

“SOCAR Gas Albania” Korça şəhərinə sıxılmış qazın vaxtından əvvəl tədarükü imkanını araşdırır.
Bu barədə SOCAR-ın Balkanlardakı regional ofisinin rəhbəri Murad Heydərov “Trend”ə verdiyi müsahibəsində danışıb.
SOCAR-ın Albaniyadakı fəaliyyəti barədə danışan Murad Heydərov xatırladıb ki, şirkət “NUR” pilot qazlaşdırma layihəsini Korça şəhərində Albaniyanın Baş naziri Edi Rama və Azərbaycanın energetika naziri Pərviz Şahbazovun iştirakı ilə keçirilən ictimai dinləmələrdə təqdim edib.
“Biz bu ilin sonunadək yekun nəticələrin əldə olunması məqsədilə FEED mərhələsinə başlamışıq. Paralel olaraq, “SOCAR Gas Albania” Korça şəhərində qazpaylayıcı şəbəkənin tikintisinə qədər sıxılmış təbii qazın vaxtından əvvəl tədarükü imkanlarını yoxlamaq üçün bütün zəruri texniki və kommersiya araşdırmalarını aparır. Kommersiya tədarüklərinə 2026-cı ilin sonunadək başlamağı planlaşdırırıq. Qəbul edən ölkə hökuməti ilə Sazişin (Host Government Agreement) layihəsi artıq hazırlanıb və onun həyata keçirilməsi üçün növbəti addımlar atılacaq”, – deyə o bildirib.
SOCAR-ın qazlaşdırma layihələrinin Albaniyanın digər bölgələrinə mümkün genişləndirilməsi ilə bağlı suala cavab olaraq Murad Heydərov dəqiqləşdirib ki, layihənin ilkin mərhələsində bu nəzərdə tutulmur, lakin şirkət sonrakı mərhələlərdə Korça şəhərinə yaxın digər ərazilərə çıxış imkanını istisna etmir.

Bizi WhatsApp-da izləyin https://whatsapp.com/channel/0029VaAm...

https://t.me/bakutvxeber
https://x.com/bakutvofficial
  / baku.tv  
https://www.baku.tv

SOCAR Albaniyada qaz layihəsini sürətləndirir - Baku TV

2026 © All Rights Reserved ℗ "Baku TV" LLC ™


#bakutv #bakutvxəbər #socar #albaniya #fəaliyyət #qazlayihəsi

baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan