't Ouwesjhoes - Paul & Karlijn (Münstermann)

Oet de revue Hinge gen Hergod's Vót 2015.

’T OUWESJHOES
(tekst en muziek: P. Münstermann)

Wat zou ich hei nog blieve, de sjtudie is gedoa
De Master in de binnetesj, noe kin ich wirke goa
Ich wil trük noa ‘t Zude, han de kamer ópgezag
‘ch Wil urges effe sjoele, en ich houw mich zoeë bedach
’t Ouwesjhoes, ’t ouwesjhoes

’t Hat joare lope sjlepe mit ing vöal te zjwoare tesj
Toiletgerei, computer en waal vieftieën kilo wesj
’t Lieët zich heem verwenne en heur kosje is gekoch
De duur sjteet ummer oape en woeë ving-se zoeëget nog?
’t Ouwesjhoes, ’t ouwesjhoes

Ich sjtoa óp ege bing, bin neet mieë Pappa’s groeëte meid
Durch jiekeree en alles óp de toekoms vuurbereid
De "gouden kooi" sjteet oape, ich kin goa woeë ich wil goa
Waal gek dat alle piele richting Limburg blieve sjtoa
’t Ouwesjhoes, ’t ouwesjhoes

’t Is trük in Hotel Mamma en gee miensj wit vuur wie lank
’t Is ouwerwetsj gemütlich, vier zoeë same óp de bank
Soms is ’t bed and breakfast, mè ’t is mieëstal vol pension
Mit zieëve sjterre service en ing kamer mit balkon
’t Ouwesjhoes, ’t ouwesjhoes
Doa is ’t good

‘ch Bin ummer vroeë wen ich noa heem kin goa
Alles is beëter bei de Mam

Doa is ’t good!