Скачать или смотреть អ្នកជំនាញក្នុងវិស័យអចលនទ្រព្យ

ការទិញលក់នៅក្នុងវិស័យអលនទ្រព្យមានលក្ខណៈប្រសើរក្រោយការបោះឆ្នោត
ភ្នំពេញ៖ ការទិញលក់ដីធ្លី ក៏ដូចជាការសាងសង់នៅក្នុងវិស័យអចលនទ្រព្យក្រោយពីការបោះឆ្នោតថ្នាក់ជាតិកាលពីថ្ងៃទី២៩កក្កដាមកដល់សព្វថ្ងៃនេះត្រូវបានអ្នកជំនាញសង្កេតឃើញថា សកម្មភាពទិញ លក់មានលក្ខណៈប្រសើរជាងមុនពេលបោះឆ្នោតមកដល់។
តាមអ្នកជំនាញនិងជានាយកក្រុមហ៊ុន Key Real Estateបានឱ្យដឹងថា ក្រោយពីការបោះឆ្នោតរួចមកអ្នកប្រកបអាជីវកម្មមិនមានការព្រួយបារម្ភនោះទេ ហើយតែបើតាមការសង្កេតការទិញលក់ផ្នែកអចលនទ្រព្យមានច្រើនហើយល្អជាងមុនពេលបោះឆ្នោត។
លោក សន សៀប នាយក្រុមហ៊ុនKey Real Estate មានប្រសាសន៍ថា៖« ខ្ញុំឃើញថាកាលពីបោះឆ្នោតកន្លងទៅមានលទ្ធផលល្អឃើញថា ទំាងអ្នករកស៊ី អត់មានការព្រួយបារម្ភទៀតហើយសកម្មភាពនៃការសាងសង់ក៏ដូចជាការលក់ដូរធម្មតានៅក្នុងវិស័យអចលនទ្រព្យក៏ដូចជាសេដ្ឋកិច្ចរបស់យើង។ ខ្ញុំសង្កេតឃើញថាការទិញដូរផ្នែក អចលនទ្រព្យវាមានកាន់តែច្រើនឡើងៗបន្ទាប់ពីការបោះឆ្នោតរួចហើយឃើញថាសកម្មភាពល្អប្រសើជាងពីមុនពេលបោះឆ្នោត ជាពិសេសនៅតំបន់ជាយក្រុង»។
លោក សនសៀប គូសបញ្ជាក់ថា ៖«តំបន់មានជ័យ, ទួលគោក, សែនសុខ និងតំបន់ព្រែកប្រា យើងឃើញថាមានការទិញដូរមានការអភិវឌ្ឍច្រើន ហើយខ្ញុំបានសង្កេតឃើញថានៅតំបន់អភិវឌ្ឍផ្សេងទៀតដូចជានៅកំពង់សោមការវិនិយោគលើ វិស័យអចលនទ្រព្យកាន់តែច្រើននិង ផុសផុល។អីចឹងនៅក្នុងតំបន់អភិវឌ្ឍន៍ទំាងប៉ុន្មានមានសកម្មភាពកាន់តែច្រើនគួរកត់សម្គាល់ ហើយអ្នកវិនិយោគទំាងអស់រំពឹងថានឹងទទួលបានផលប្រយោជន៍ពីការអភិវឌ្ឍទំាងអស់នេះ»។
អគ្គនាយក និងជាប្រធានប្រតិបត្តិក្រុមហ៊ុនCPL ដែលមានបទពិសោធន៍ជាង២០ឆ្នំាក្នុងវិស័យអចលនទ្រព្យ លោក ឧកញ៉ា ចេង ខេង មើលឃើញថា សកម្មភាពទិញលក់នៅក្នុងវិស័យអចលនទ្រព្យពីមុនក៏ដូចក្រោយបោះឆ្នោតថ្នាក់ជាតិរួចមកដល់សព្វថ្ងៃនេះគឹមានសកម្មភាពធម្មតាមិនមានអ្វីឱ្យបារម្ភនោះទេ។
លោកឧកញ៉ា ចេងខេង មានប្រសាសន៍ថា៖«ការទិញដូរ អត់មានអ្វីប្រែប្រួលនោះទេ ដំណើរការធម្មតា អីចឹងវាអត់មានសញ្ញាអ្វីដែលធ្វើឱ្យយើងបារម្ភទេ។ឥឡូវនេះខ្ញុំបាននិងកំពុងនាំអ្នកទិញមកទិញដីនៅខេត្តកំពត» ។
លោកឧកញ៉ាបញ្ចាក់ថា៖« នៅទីក្រុងភ្នំពេញសម្រាប់ក្រុមហ៊ុន CPL យើងក្នុងមួយខែៗផ្តល់សេវាមិនតិចជាង៦ពាន់ប្រតិបត្តិការទិញដូរនៅក្នុងចំណោមទំាង១២ខណ្ឌ»។
លោក ឡៅ ទិព្វសីហា មន្ត្រីជាន់ខ្ពស់ក្រសួងរៀបចំដែនដី នគរូបនីយកម្មនិងសំណង់ធ្លាប់បានបង្ហាញមានសុទិដ្ឋិនិយមទៀតថា បើទោះបីឆ្នំា២០១៨នេះ ត្រូវជាឆ្នំាបោះឆ្នោតថ្នាក់ជាតិក៏ដោយក៏មិនធ្វើឱ្យប៉ះពាល់ដល់វិស័យសំណង់ដែរ ព្រោះការលក់ដូរក្នុងវិស័យសំណង់មានលក្ខណៈធម្មតាអត់មានបញ្ហាអ្វីផង អ្នកលក់ដូរផ្ទះល្វែង អគារនានា មានដំណើរការខ្លំាងឡើងៗ អត់មានការប្រែប្រួលឬថមថយផង ៕