بدر بنيدر - يسعد مساها (حصرياً) | 2023

إشترك في قناة بدر بنيدر الرسمية للحصول على أحدث إصداراته الفنية
‏ http://bit.ly/BadarBnider

بدر بنيدر - يسعد مساها (حصرياً) | 2023
‏Badar Bnider - Yasead Msaha (EXCLUSIVE) | 2023

كلمات : ضيدان بن قضعان
الحان : بدر بنيدر
مكس : عبدالرحمن الشهري
توزيع : احمد البريك
فيديو : ‪@ZiyadAlotaibil‬
توزيع ديجيتال : الفان ميوزك

لمتابعة بدر بنيدر عبر وسائل التواصل الإجتماعية:
تويتر |   / ibadr_73  
انستقرام |   / lbadr_73  
جوال | 0557280908

الكلمات:

الطموح الي سرت من نجد وامست فالحويه
ضيقت صدر الرياض وسافر الطايف وجاها

واثنا غيم الحجاز لخد نجد النرجسيه
يوم جاته من زعلها كنها تقصر اخطاها

زعلوها وارحلت واخلت قصور الجابريه
والحقتني شرهة الزعلان واخطاني رضاها

سافرت والله ماخبر الي يزعلها عليه
واستباحت لله الخيره سهر عيني وماها

ليتها يوم استباحت دمعة العين الشقيه
ماستباحت دم قلبي من خلاها في خلاها

سامح الله ظلمها وطعونها الخضر النديه
والله يسامح خناجرها ويعفو عن خطاها

عرضتني للهبايب والضما والمهمهيه
واتركتني للزعل والشوق والكبر وغلاها

والغلا ماهو في يدها ولاهو في يديا
الغلا شين من الله واشهدن الله عطاها

من غلاها لو تدوردني على حوض المنيه
كنها تسقيني الشهد المصفى من شفاها

من حلاها ماتوصف (ه) الحروف الابجديه
كيف توصف وردتن يبري من العله شذاها

الورود تغار منها مزهريه مزهريه
وان تباهت عذرها معها يحق ألها تباها

لا يشابها شبيه ولا يحاليها حليه
جل ربن يوم صورها فرقها عن سواها

لا اقبلت هيجنت وان قفت جذبت السامريه
وعذابي ان عطتني وجهها ولا قفاهاا

ان بدالي وجهها يسعد صباح اليوسفيه
ون غشتني نفحتن من ليلها يسعد مساها

درتن بالموت محروسه وبالبحر محميه
البحر من دونها والموت الاحمر من وراها

دونها ماغليت وسمهلي ولا شداد المطيه
مرخص فالقاع نفسي والثريا من سماها

لايمي يبلا بحب الحضر فعيون ابدويه
في ضروفن مايقارن مستواه ب مستواها

الله اقوى يافقير القلب ابونفسن غنيه
مالك الا الصبر والجنه لقاها من لقاها

والهوى الي يطرح الرجال في دينن اجنبيه
علتن فالجوف لاتبرى ولا يلقى دواهاا

والهنوف الي لرد الثار تاخذها الحميه
شفتها بالعين في قلبي وهي تاخذ قضاها

شفتها تشتاق تطعني بلا ذنب وخطيه
كثر ماتشتاق لعماقي وانا اشتاق ل دفاها

كل ماعرقت لميسمها تحريت لخويه
والحقت بالميسم الميسم كذا على عماها

عاقبتني كل يومن تلحق الكيه ب كيه
واتعبتني وادركتني والحقت نفسي مداها

وان تمادت جهزو قبري وانا بكتب وصيه
بكتب الله لا يعاقبها ويرضالي علاهاا

العمار تلفها الاياام والدنيا مديه
والسنين تلفني والنار تحرق من وطاها

علموها تلحق الباقي مدام الشمس حيه
واتغانم مابقى مني وماتطلب فداها

لا تمادى في جفاها والرياح الموسميه
ماتقدر وقفت الاشجار وتثمن عطاها

وعلموها مابقى لي غير ادن الهاشميه
كان ترضاها علي ولا تهوّن من جفاها

وانصحوها لا تحمل نفسها نفسن بريه
وذكروها بالقبر لعلها ولا عساها

وعلموها علموها لاتطول فالحويه
ديرتن ماهي بديرتها لو اعجبها هواها