ម្ចាស់ចម្ការទុរេនលោក ទុយ វណ្ណៈ ប្រាប់ពីបច្ចេកទេសព្យាបាលដើមទុរេន«កើតបូស»

ដើមទុរេន ក៏ប្រឈមនឹងបញ្ហាសុខភាពដែលកើតឡើងលើដើម, ស្លឹក ដោយសារកត្តាដីនិងទឹកផងដែរ។ ជាក់ស្ដែង បញ្ហាដើមទុរេនកើតបូសដែលចេញទឹកពីដើម អាចបណ្ដាលឲ្យដើមទុរេនងាប់។ លោក ទុយ វណ្ណៈ ម្ចាស់ចម្ការទុរេននៅស្រុកថ្មបាំង ខេត្តកោះកុង ដែលធ្លាប់ជួបបញ្ហាដើមទុរេនកើតបូសនេះ បានចែករំលែកបទពិសោធនៃការព្យាបាលជំងឺនេះយ៉ាងដូច្នេះ៖ «មុនដំបូងត្រូវយកកាំបិត កោសនៅកន្លែងកើតបូស បន្ទាប់មកលាងទឹកអាល់កុលនិងយកកំបោរក្រហមមកបិទពីលើជាការស្រេច។ ហើយរយៈពេល២សប្ដាហ៍ក្រោយមក ដើមទុរេននឹងជាសះស្បើយវិញ»។ បើតាមលោក វណ្ណៈ កសិករមួយចំនួន មិនបានចាប់អារម្មណ៍លើបញ្ហាដើមទុរេនកើតបូសនោះទេ ដោយពួកគេគិតថាជាជំងឺធម្មតា។ ជាមួយគ្នានេះ ក្នុងករណីដែលកសិករមិនសូវខ្វាយខ្វល់ពីជំងឺបូសលើដើមទុរេន វានឹងធ្វើឲ្យដើមទុរេនងាប់ដោយសារជំងឺនេះ៕
#Durian
#KohKong
#ThmeyThmey25
--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey