Скачать или смотреть რატომაა სპეციალიზება და ვაჭრობა მომგებიანი და რა კავშირი აქვს ამას კონკურენტულ უპირატესობასთან?

რატომაა სპეციალიზება და ვაჭრობა მომგებიანი და რა კავშირი აქვს ამას კონკურენტულ უპირატესობასთან? - დავუშვათ, რომ ერთ კუნძულზე შესაძლებელია დღეში ან 10 ბანანის ან 10 ანანასის, მეორეზე კი ან 10 ბანანის ან 30 ანანასის დაკრეფა.
გამოდის, რომ პირველ კუნძულს 1 ბანანი 1 ანანასი უჯდება. თუ არ მოიყვანს 1 ბანანს, 1 ანანასისთვის დარჩება დრო. მე-2 კუნძულს კი 1 ბანანი 3 ცალი ანანასი უჯდება. ანუ პირველი კუნძულისთვის 1 ბანანის მოყვანის ალტერნატიული დანახარჯი ნაკლებია და მას ბანანის კრეფაში კონკურენტული უპირატესობა აქვს.
თუ 1-ელ კუნძულზე მხოლოდ ბანანს მოიყვანენ და მე-2-ზე მხოლოდ ანანასს, გამოვა რომ პირველი 10 ბანანს, მე-2 კი 30 ანანასს მოიყვანს. ჯამში ორივე ერთად 10 ბანანს და 30 ანანასს, რაც იმაზე მეტია, ვიდრე ორივე კუნძულზე ორივე პროდუქტის წარმოებისას იქნებოდა.
ანუ სპეციალიზაციით, უფრო მეტი ღირებულება შეიქმნა და ერთმანეთში ვაჭრობით კუნძულებს მეტი მოგების ნახვა შეუძლიათ, ვიდრე ორივე პროდუქტის თავად წარმოების შემთხვევაში მიიღებდნენ.
ასევეა ქვეყნების შემთხვევაში. თუ 1 ქვეყანა იმ პროდუქტის წარმოებაში სპეციალიზდება, რომელზეც კონკურენტული უპირატესობა აქვს და თავის წარმოებულს გაიტანს ექსპორტზე, ასე მასთან ერთად ის ქვეყნებიც იხეირებენ, რომლებიც მის პროდუქტს იყიდიან, რადგან მათ ექნებათ პროდუქტი იმაზე ნაკლები დანახარჯით, ვიდრე შიდა წარმოების შემთხვევაში ექნებოდათ.