Скачать или смотреть ឯកឧត្តម សេង ឌីណា៖ សន្និបាតរបស់ក្រសួងយុត្តិធម៌ សម្រេចឈប់ឲ្យប្រើពាក្យថា "ការប្រាក់យឺតយ៉ាវ"

ឯកឧត្តម សេង ឌីណា រដ្ឋលេខាធិការក្រសួងយុត្តិធម៌ បានថ្លែងឲ្យដឹងថា សន្និបាតរបស់ក្រសួងសម្រេចឯកភាពឈប់ប្រើប្រាស់ពាក្យថា '' ការប្រាក់យឺតយ៉ាវ" ព្រោះពាក្យនេះ មិនមានកំណត់ក្នុងច្បាប់ជាធរមាននោះទេ។ ជំនួសឲ្យការប្រើពាក្យថា '' ការប្រាក់យឺតយ៉ាវ" អង្គសន្និបាតសម្រេចប្រើពាក្យថា ''សំណងការខូចខាតចំពោះការយឺតយ៉ាវ'' ស្របតាមមាត្រា៣៩៩ នៃក្រមរដ្ឋប្បវេណី និងមាត្រា១៧នៃច្បាប់ស្ដីពីការអនុវត្តក្រមរដ្ឋប្បវេណី។

ឯកឧត្តម សេង ឌីណា បញ្ជាក់ដូច្នេះ នាល្ងាចថ្ងៃទី១៤ ខែមីនានេះ ក្នុងសន្និសីទសារព័ត៌មានស្ដីពីសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និងកំណត់ទិសដៅការងារជាអាទិភាពឆ្នាំ២០២៥។ គួរជម្រាបជូនថា សន្និបាតបូកសរុបលទ្ធផលការងារវិស័យយុត្តិធម៌ឆ្នាំចាស់ និងកំណត់ទិសដៅការងារឆ្នាំថ្មីបានជជែកទៅលើប្រធានបទស្តីពី "ការប្រាក់ និងការប្រាក់យឺតយ៉ាវ" ដែលជាប្រធានបទមួយស្ថិតក្នុងចំណោមប្រធានបទសំខាន់ៗមួយចំនួនទៀត។

Facebook:   / preah.khan.khmer  
Telegram: https://t.me/preah_khan
TikTok:   / preah_khan