Oirad-kalmyk's National music

Вариант исполнения Н.Болдырев, М.Ханинов
Окна Нарн (prod.by Adyan)

Көк-л хурсх гинә, кубанк махлаһан
Колхозан орхларн ,өмсәд һарад бәәсмн/2д
Колхозан орхларн ,өмсәд һарад бәәхнь
Көөркхн күүкн Рая гиһәд, өмсәд һарад бәәсмн/2д

Баахн гинә, бичкн гинә Окна Нарнь ,
Барнаулд йовх гидг зәңг ирдг билә –лә/2д.
Баахн гинә бичкн гинә Нәәмкә күүкнь
Зургиһнь авч гиһәд байрлдг билә-лә/2д.

Базртнь йовсн Буңга Басн хойр,
«Бузав, менд»,— гиҗ мендлдг билә. /2 д
Бульглгсн зүрктә Окна Нарн
Бузав нернәсн ичәд, эмәһәд бәәв./2 д

Һацан гемтә Окна Нарн
Һазрин дундас илгәһәд бәәнә. /2 д
Һазр дунд хайхин орнд,
Һазр-уснднь күргсн болхнь! /2 д

Арвн –ла долата, Рая бернь гинә,
Авдр чумдан хойриһан, авад һарад бәәсмн./2д
Авдр чумдан хойриһан, авҗ һарад бәәхнь
Ах, дү хойриһән теврәд ууляд бәәсмн/2д

Окна Нарн
Дуулҗахнь: Манҗурга Булһн

Көк-л хурсх кубанк махлаһан
Колхозан орхларн ,өмсәд һарад бәәсмн/2д
Колхозан орхларн ,өмсәд һарад бәәхнь
Көөркхн күүкн Рая гиһәд, өмсәд һарад бәәсмн/2д

Ээмтә - далта гинә, Окна Нарн гинә
Энквднь халхарнь көдлгдүлдг билә/2д
Энквднь халхарнь көдлгдәд болхнь,
Эврән меднәв гиһәд эсрүндәд бәәсмн

Шара-ла цоохр гинә, үкринь гинә-лә
Шаһа - ла чимгәрнь салһад хаяд бәәсмн /2д
Шаһа - ла чимгәрнь салһад хаяд бәәхнь
Шаңһа кергин төләднь, салһад хаяд бәәсмн/2д

Арвн –ла долата Рая бернь гинә,
Авдр чумдан хойриһән авад һарад бәәсмн./2д
Авдр чумдан хойриһән авҗ һарад бәәхнь
Ах, дүүһән хойриһән теврәд ууляд бәәсмн/2д

Окна Нарн
комм. № 65: «Окна Нарн». Записана в 1981 году в пос. Коробкин Сарпинского района от Саяш Бамбаевны Каруевой, род. в 1929 году в пос. Ики Манлан.
1. Һацан гемтә Окна Нарн
Һазрин дундас илгәһәд* бәәнә. 2 д
Һазр дунд хайхин орнд,
Һазр-уснднь күргсн болхнь! 2 д

2. Олмһа келтә Окна Нарн
ОРС-ин гинә контортнь орад күүндәд бәәнә, 2 д
ОРС-ин конторт орад күүндәд бәәхнь,
Орх-яах болҗ зөвчләд бәәв. 2 д.

3. Әвтә-довта Окна Нарн
Әврәннь зурган белгләд бәәнә, 2 д
Әврә зурган белгләд бәәхнь,
Эвтәхн хәәмнь гиһәд,белгләд бәәнә. 2 д

4. Барар барлсн бичгнь гинә,
Барнаул таласн күрәд ирв гинә, 2 д
Баахн-бичкн Окна Нарн гинә,
Бульглсн зүркәрн ишкрңнәд бәәнә. 2 д

Давтхларн: «күргәд хаяд»

Вариант текста, записанный от Н. Л. Бураевой
( комм. № 62:вариант текста записан у Нины Лиджиевны Бураевой, род. в 1926 году в с-зе им. Чапаева Малодербетовского района.)
1. Базртнь йовсн Буңга Басн хойр,
«Бузав, менд»,— гиҗ мендлдг билә. 2 д
Бульглгсн зүрктә Окна Нарн
Бузав нернәсн ичәд, эмәһәд йовна. 2 д

2. «Н» үзгтә билцгинь, билцгинь
Нерн уга хурһндан зүүһәд һарад бәәнә. 2 д
Нерн уга хурһндан зүүһәд һарад бәәхнь,
Нәәмкә иньгтән белгләд бәәв. 2 д.

3. Көндлң хар махлаһинь
Колхозан орхларн, өмсәд һарад бәәнә. 2 д
Колхозан орхларн, өмсәд һарад бәәхнь
— Көркхн бичкн Нәәмкә,— гиһәд өмсәд һарад бәәнә.2 д.

4. Олн таньлтта Окна Нарн
ОРС-ин контортнь орад күүндәд бәәнә,
ОРС-ин контортнь орад күүндәд бәәхнь, 2 д.
Одх, авх болҗ, орад күүндәд бәәв. 2 д.

5. Цацгта шеемг альчуринь
Саҗад бооһад һардг Рая бер, 2 д.
Саҗад бооһад һардг Рая бер
Салх-яахан медлго саҗад бооһад бәәв. 2 д

6. Yүpcг өңгсг Рая бер
Үүрмүд дундан өөләд келәд йовна. 2 д
Үүрмүд дундан өөләд келәд йовхнь,
Үннә кишвв бәәҗл гиҗ келдг билә. 2 д

7. Көркхн бичкн Рая бер
Көвүн дү Муутлан теврәд ууляд бәәв. 2 д
Көвүн дү Муутлан теврәд ууляд бәәхләрн,
— Күндтә бергн йовлав,— гиҗ теврәд ууляд бәәв. 2 д

ОКАЗАТЬ ПОМОЩЬ КАНАЛУ:
СберБанк тел: +79615477664 карта: 4274320026848344
Тинькофф: +79615477664 карта: 5536913843203288
PayPal: https://www.paypal.me/zaanonline
Станьте спонсором канала:
   / @zaanonline