Скачать или смотреть MKE WA MDUDE AELEZA MUMEWE ALIVYOTEKWA MBELA YAKE AKIWA NA MTOTO NA WALIOJITAMBULISHA NI POLISI

CHADEMA WASEMA JESHI LA POLISI LIMEHUSIKA UVAMIZI NYUMBANI KWA MDUDE, JESHI LA POLISI LAKANUSHA


Jeshi la Polisi Mkoa wa Mbeya limekanusha taarifa zinazosambaa katika mitandao ya kijamii na zilizotolewa na baadhi ya viongozi wa chama cha demokrasia na maendeleo CHADEMA zinazodai askari polisi kuhusika na tukio la kuvamia, kuvunja mlango, kuingia ndani na kisha kumjeruhi Mpaluka Said Nyagali maarufu kwa jina la Mdude sehemu mbalimbali za mwili wake na kutoweka na mhanga na kwenda naye kusikojulikana.


Taarifa ambayo imetolewa na kamanda wa polisi mkoa wa Mbeya kamishna msaidizi mwandamizi wa jeshi la polisi Benjamin Kuzaga imeeleza kuwa mnamo Mei 02, 2025 majira ya asubuhi, Jeshi la Polisi Mkoa wa Mbeya lilipokea taarifa kutoka kwa Sije Mbugi Emmanuel [31] mkazi wa Iwambi ambaye ni mke wa Mpaluka Said Nyagali maarufu kwa jina la Mdude kuwa mnamo Mei 02, 2025 majira ya saa 08:00 usiku wakiwa wamelala huko Mtaa wa Ivanga, Kata ya Iwambi Jijini Mbeya watu wasiofahamika waliwavamia baada ya kuvunja mlango na kuingia ndani na kisha kumjeruhi Mpaluka Said Nyagali na kufanikiwa kutoweka na mhanga na kwenda naye kusikojulikana.


Mapema hii leo akizungumza na wanabari mke wa Mpaluka Said Nyagali maarufu kwa jina la Mdude, Sije Mbugi Emmanuel [31] amewaomba wanahabari kumsaidia kupaza sauti ili mume wake apatikane huku akilituhumu jeshi la polisi kuhusika na uvamizi huo.

Abdukarim Juma ni rafiki wa Mpaluka Said Nyagali maarufu kwa jina la Mdude yeye anaeleza namna ambavyo alipata taarifa na hatua alizozichukua.

Viongozi mbalimbali wa chama cha demokrasia na maendeleo CHADEMA Taifa, kanda ya Nyasa na mkoa wa Mbeya wamelaani tukio hilo huku wakilitupia lawama jeshi la polisi.

Mpaluka Said Nyagali maarufu kwa jina la Mdude ni mwanaharakati na mwanachama chama cha demokrasia na maendeleo CHADEMA ambaye majira ya saa 08:00 usiku akiwa amelala huko Mtaa wa Ivanga, Kata ya Iwambi Jijini Mbeya watu wasiofahamika waliwavamia baada ya kuvunja mlango na kuingia ndani na kisha kumjeruhi Mpaluka Said Nyagali na kufanikiwa kutoweka na mhanga na kwenda naye kusikojulikana.