შვილი: გიორგი გაბუნია

🔸გიორგი გაბუნიას დღეს მძიმე ტვირთი ერგო - ნიკა გვარამიას დაპატიმრების შემდეგ პოპულარული ჟურნალისტი „მთავარ არხს“ ხელმძღვანელობს. არ მალავს, რომ ტელევიზიას ფინანსური პრობლემები აქვს და არც იმას, რომ „მთავარი არხი“ არაერთმა თანამშრომელმა დატოვა. გიორგის სატელევიზიო მონოლოგს თავის დროზე რუსეთის ხელისუფლების პირველი პირები გამოეხმაურნენ. მეტიც, მოკვლასაც კი უპირებდნენ. მაგრამ ამან არ შეაშინა - აგრძელებდა თავის პოლიტიკურ შოუს და ახალ პროექტებზე ფიქრობდა. ეთერზე მხოლოდ მოგვიანებით თქვა უარი.

🔸„შვილის“ მორიგ სერიაში პოპულარული ჟურნალისტი გვიხსნის, რატომ აღარ უნდა ეთერში დაბრუნება და იხსენებს დედას, ქართული ტელევიზიის ვარსკვლავს ჯულიეტა ვაშაყმაძეს, ვისაც, გიორგის თქმით, უსამართლოდ მოექცა სწორედ ის ხელისუფლება, რომელიც დღეს ოპოზიციაშია და რომლის სატელიტად აღიქვამს „მთავარ არხს“ საზოგადოების ნაწილი.