இயற்கை முறையில் நிலக்கடலை சாகுபடி | சுத்தமான கடலை எண்ணெய் தயாரித்து விற்பனை | Peanut | Malaimurasu
மயிலாடுதுறை மாவட்டம் தரங்கம்பாடி அடுத்த என்.என். சாவடி பகுதியை சேர்ந்தவர் பழனியப்பன். இயற்கை விவசாயியான இவர், தனக்கு சொந்தமான, நிலத்தில் ஆண்டுதோறும் மூன்று போகம் நிலக்கடலை சாகுபடி செய்து வருகிறார்.
ரசாயன உரங்களை முற்றிலுமாக தவிர்த்து, முழுக்க முழுக்க இயற்கை உரங்களை மட்டுமே பயன்படுத்தி சாகுபடி செய்து வருகிறார்.
இதனால் நிலக்கடலை அதிக மகசூல் தருவதுடன் தரமான நிலக்கடலையாக விளைகிறது. இந்த நிலக்கடலைகளை அப்படியே விற்பனை செய்தாலும், பொதுமக்களிடம் சென்று சேரும்போது, பலவகையான கலப்படத்துடனேயே சென்று சேருகிறது.
இதனால் பொதுமக்களுக்கு கலப்படம் இல்லாமல் வழங்க வேண்டும் என்ற நோக்கில், நிலக்கடலைகளை எண்ணெய்யாக மாற்றி விற்பனை செய்ய திட்டமிட்டுள்ளார் விவசாயி பழனியப்பன்.
இதற்காக, செக்கு பட்டறை ஒன்றை அமைத்து, எண்ணெய் தயாரிப்பில் ஈடுபட்டுள்ளார். தனது நிலத்தில் இயற்கை முறையில் விளைந்த நிலக்கடலைகளை, சுத்தம் செய்து, நன்கு வெயிலில் காய வைத்து, பின்னர் இந்த கடலைகளை தனது செக்கு பட்டறையில் அரைத்து, சுத்தமான எண்ணெய் தயாரித்து வருகிறார்.
இவ்வாறு தயாரிக்கப்பட்ட சுத்தமான எண்ணெய்யை, எந்தவித கலப்படமும் இல்லாமல் பொதுமக்களுக்கு விற்பனை செய்து வருகிறார்.
இப்படி விளைந்த பொருளை மதிப்பு கூட்டி விற்பனை செய்யும் போது, பொதுமக்களுக்கு சுத்தமான பொருள் சென்று சேருவதுடன், தனக்கும் நல்ல வருவாய் கிடைப்பதாக மகிழ்ச்சி தெரிவிக்கிறார் விவசாயி பழனியப்பன்.
பொதுவாக, நிலக்கடலை எண்ணையை உணவில் சேர்த்துக் கொள்வதால் கெட்ட கொழுப்புகள் வராமல் தடுக்கிறது. அத்துடன் நல்ல கொழுப்புகளை உடலில் சேர்க்கவும் உதவுகிறது. மேலும், கடலை எண்ணெய்யில் வைட்டமின் ஈ சத்து அதிகமாக இருப்பதால் நோய் எதிர்ப்பு சக்தியை அதிகரிக்கிறது. மேலும் புற்றுநோயை உண்டாக்கக்கூடிய செல்களை கட்டுப்படுத்தும் தன்மை கடலெண்ணைக்கு உள்ளது. கடலை எண்ணெய்யை உணவில் சேர்த்துக் கொள்வதால் இதயம் சம்பந்தப்பட்ட நோய்கள் வருவதற்கு வாய்ப்புகள் குறைவாக உள்ளதாகவும் ஆய்வுகள் தெரிவிக்கின்றன.
இத்தனை நல்ல பண்புகள் கொண்ட நிலக்கடலை, இயற்கை முறையிலும், கலப்படம் இல்லாமலும், சுத்தமாகவும் கிடைப்பதால் சுற்றுவட்டாரப் பகுதி மக்கள் பழனியப்பன் தயாரிப்பான எண்ணெய்யை ஆர்வமுடன் வாங்கிச் செல்கின்றனர். அத்துடன் இந்த எண்ணெய்யில் சமைப்பதால் உணவு பொருட்கள் நல்ல மணமாகவும், சுவையுடனும் இருப்பதாக வாடிக்கையாளர்கள் தெரிவித்தனர்.
இயற்கை முறையில் விவசாயம் செய்வதோடு மட்டுமல்லாமல், அந்த பொருள் பொதுமக்களுக்கு கலப்படம் இன்றி சுத்தமான பொருளாகவே சென்று சேரவேண்டும் என்ற நோக்கில், செயல்பட்டு வரும் இயற்கை விவசாயி பழனியப்பனுக்கு பாராட்டுக்கள் குவிந்து வருகின்றன.
#malaimurasu #peanut #oil @malaimurasunewslive
Watch Malai Murasu Seitthigal(மாலை முரசு செய்திகள்), Tamil Nadu’s Top 24x7 Tamil News Channel, bringing the best of latest live news, breaking news, election, general, updates, headlines, crime reports, reported deep from rural and uprban. entertainment, sports, business, social media and so much more., Stay updated on the latest stories and headlines today from the worlds of politics.
Follow on:
Insta : / malaimurasutv_official
twitter : / malaimurasutv
facebook : / malaimurasu
website : http://www.malaimurasu.com
Live News : / malaimurasunewsdigital
SUBSCRIBE to get the latest news updates: / @malaimurasunewslive
Информация по комментариям в разработке