Скачать или смотреть សហព័ន្ធខ្មែរកម្ពុជាក្រោម នឹងប្តឹងទៅអន្តរជាតិ ករណីវៀតណាមធ្វើទុក្ខបុកម្នេញខ្មែរក្រោម

សហព័ន្ធ​ខ្មែរ​កម្ពុជាក្រោម ព្រមាន​អាជ្ញាធរ​វៀតណាម ថា សហព័ន្ធ នឹង​ប្តឹង​តវ៉ា​ទៅ​សហ​គន៍​អន្តរជាតិ ប្រសិនបើ​វៀតណាម ហ៊ាន​ឃាត់ខ្លួន​យុវជន​ខ្មែរក្រោម ២ រូប ករណី​ពួក​គេ​មិន​បង់ប្រាក់​ពិន័យ​ទៅ​ឲ្យ​អាជ្ញាធរ​វៀតណាម ។ ការព្រមាន​នេះ ដោយសារតែ​យុវជន​ខ្មែរក្រោម ២ រូប កាលពី​ថ្ងៃទី ៣០ ខែមិថុនា ម្សិលមិញ បាន​តវ៉ា​ប្រឆាំង នឹង​អាជ្ញាធរ​វៀតណាម ក្រោយពេល​វៀតណាម បាន​ពិន័យ​ប្រាក់​ពួក​គេ​ម្នា​ក់ៗ ៣០០ ដុល្លារ ដោយ​ចោទប្រកាន់​ថា ពួក​គេ​ល្មើសច្បាប់​សន្តិសុខ​អ៊ី​ធឺ​ណិ​តរបស់​ប្រទេស​វៀតណាម ដោយ​បាន​បង្ហោះ​ព័ត៌មាន អំពី​ប្រវត្តិ​សាស្រ្ត​កម្ពុជាក្រោម និង​ចែកចាយ​ព័ត៌មាន​របស់​សហព័ន្ធ​ខ្មែរ​កម្ពុជាក្រោម ដែល​មាន​មូលដ្ឋាន នៅ​សហរដ្ឋអាមេរិក ។ លោក យន់ សា​មៀន នៃ​វិទ្យុ​អាស៊ី​សេរី ផ្នែក​ខេមរភាសា រាយការណ៍​ព័ត៌មាន​នេះ កាលពី​ថ្ងៃទី ១ ខែកក្កដា ហើយ​វិទ្យុ​សំឡេង​កម្ពុជាក្រោម និង​ទូរទស្សន៍ ព្រៃនគរ សូម​ដកស្រង់​យក​មក​ចាក់​ផ្សាយ​ឡើងវិញ ដែល​មាន​សំឡេង​ដើម​ទាំងស្រុង ដូចតទៅ៖