Скачать или смотреть #новости

Россияда миграция назорати кучайтирилади

Тегишли қонун лойиҳаси Давлат Думаси томонидан биринчи ўқишда қабул қилинди. Ушбу қонун лойиҳасига кўра, Россияда ноқонуний бўлган чет эл фуқаролари учун жўнатиб юбориш режимини (режим миграционной высылки) жорий этилади. Ушбу режим вақтинчалик бўлиш ёки миграция ҳужжатларининг амал қилиш муддати тугаганида, РВП бекор қилинганида, шунингдек қонунбузарлик содир этилганда қўлланилади.

Ноқонуний юрганлар махсус рўйхатга киритилади ва улар жўнатиб юбориш режимида бўлади. Полицияга бундай чет элликлар яшаб турган жойга киришга рухсат берилади. Қолаверса, полиция улар ҳақидаги маълумотларни банк, солиқ ва бошқа органлардан сўраб олиш ҳуқуқига эга бўлади.

Полиция рўйхатга тушганларни телефон ва бошқа воситалар ёрдамида кузатиш ваколатига эга бўлади.

“Режим высылки”даги хорижликларга қатор чекловлар киритилади. Улар банкларда ҳисоб рақам очолмайди, никоҳдан ўтолмайди. Машина олиши ва уни рўйхатдан ўтказиши тақиқланади. Қисқаси, рўйхатга тушган ноқонуний мигрантларнинг ҳар қадами назоратда бўлади.

#янгиликлар #мигранты #россия #video #shorts short