Скачать или смотреть KI იგავი ვერცხლის მადისა

ყავლი არასდროს გასდის, გამძლეა მოდგმა ხარბის,
ძველთა ძველია ვერცხლი, ცხრომა იუდას მადის,
ათასგზის დავგმეთ მძორი, საფლავებს ბოლი ასდის,
ჯალალის რისხვა თბილისს, მხარგრძელის ლანდი დადის.

დახლი, ქარვასლა, ჩარჩი, მეტეხს ბრჭყვიალი ფარჩის,
ვერცხლი შემოაქვთ ურმით, რამდენ ოცდაათს დათვლის,
მივექანებით თავქვე, მეტეხის ამგებთ დაგვსჯის,
არა არ ცხრება მადა, ვერცხლი სიყვარულს გაზრდის.

ვანი, ხლათი და არჭეში, კრწანისსა სწერდა ხადეში,
ათასგზის მოგვინადირეს, გაბმული ვერცხლის ბადეში,
მოდის და მოდის ვანდალი, არ დაიღალა თარეშით,
გამოდით შეუდრეკელნო, სიკვდილის კართან დადექით.

მონასა ძაფი დაიჭერს, ზაქი რკინა-ჯაჭვს წაიღებს,
თავისუფლება ფასია, თავისუფალი გაიღებს,
საქარავნე გზა ძველია,დღემდე დადიან სასყიდელს,
სიკვდილის მძლევი გადარჩა,აქლემი ასგზის გაყიდეს.