Xornadas Muller e extractivismo | Patricia Luceño

As “Xornadas Muller e extractivismo” reflexionaron sobre a relación entre as mulleres rurais e os proxectos industriais.

Patricia Luceño, da campaña de transformación industrial #IndustriaLaJusta de Ecologistas en Acción (Área de Enerxía e Clima), baixo o título “Repensar a industria en clave ecofeminista”, caracterizou na súa intervención o actual sistema industrial como capitalista, patriarcal, neocolonial e insustentable. Aséntase na conquista de corpos e territorios, afectando principalmente ás poboacións e colectivos máis vulnerables, entre os que se atopan as mulleres e, de forma máis virulenta, as mulleres do medio rural. Analizáronse cunha perspectiva ecofeminista as diferentes fases do ciclo industrial (extracción, transformación, uso e fin de vida) e debatéronse as claves ou camiños que podería tomar a transformación industrial para ser xusta, redistribuída, decolonial, ecosocial e feminista.