Скачать или смотреть საბერძნეთში საქართველოს ელჩის მიმართვა

საბერძნეთისა და სერბეთის რესპუბლიკაში საქართველოს ელჩი სოციალურ ქსელში საქართველოს მოქალაქეებს მიმართავს. განცხადებაში იოსებ ნანობაშვილი ბოლო პერიოდში საბერძნეთში საქართველოს მოქალაქეების დაკავების ფაქტებს ეხმაურება. მისი თქმით, ქართველებთან დაკავშირებული კრიმინალური შემთხვევები საბერძნეთთან მოლაპარაკებებს მნიშვნელოვნად აფერხებს. ეს პრობლემა უაღრესად დიდ ზიანს აყენებს, როგორც ჩვენი ქვეყნისა და ჩვენი ერის იმიჯს, ასევე საელჩოს საქმიანობას. მსგავსი ფაქტები მნიშვნელოვნად აფერხებენ საბერძნეთის ხელისუფლებასთან ჩვენი ქვეყნისთვის მნიშვნელოვან საკითხებზე მოლაპარაკებას, ასევე საქართველოს მოქალაქეების მიმართ ბერძნულ საზოგადოებაში ქმნიან ძალზე ნეგატიურ ფონს.მიუხედავად ამგვარი რეალობისა, საელჩო საბერძნეთის მთავრობის შესაბამისი სტრუქტურების უმაღლეს პირებთან, როგორც ოფიციალური, ასევე არაოფიციალური არხებით, სხვა მნიშვნელოვანი საკითხების გარდა, მუდმივ დიალოგს აწარმოებს. ნათქვამია იოსებ ნანობაშვილის მიერ გავრცელებულ განცხადებაში .