ទីចុងក្រោយនៃនាងហួយមាស

ក្រោយរំដោះថ្ងៃទី៧ ខែមករា ឆ្នាំ១៩៧៩ ប្រជាជននៅមូលដ្ឋាននោះបានរៀបចំមន្ទីរកែប្រែវត្តធម្មយុត្តិ ហើយជីកកកាយសាកសពរកឆ្អឹងរបស់ប្រជារាស្រ្តខ្មែរស្លូតត្រង់ដែលត្រូវខ្មែរក្រហមសម្លាប់ចោលនៅទីនោះ។ នៅចុងខែមករា ឆ្នាំ២០១៩នេះ ក្រុមព្រះសុរិយាយើងខ្ញុំបានចុះទៅជួបផ្ទាល់នូវលោកអុំម្នាក់សព្វថ្ងៃជាអាចារ្យប្រចាំវត្តបុប្ផាវតីរឺវត្តធម្មយុត្តិនេះ បានអះអាងថា រូបគាត់ជាសាក្សីមួយដែលបានឃើញការគាស់ឆ្អឹងខ្មោចប្រជារាស្រ្តខ្មែរនៅខាងក្រោយវត្តនេះ ហើយពេលនោះ ក៏មានការរកឃើញឆ្អឹងនិងសម្លៀកបំពាក់របស់នាងហួយមាសផងដែរ។
លោកស្រី ហួយ មាស ជាសិល្បករពហុជំនាញដែលប្រកបដោយទេពកោសល្យខ្ពង់ខ្ពស់នឹងមានចំណេះជ្រៅជ្រះ ដើម្បីវិស័យវប្បធម៌សិល្បៈជាតិយើង។ នាង ហួយមាស មានរហ័សនាមប្រចាំថានាងមាសមេត្រី ដែលគេដឹងថា ក្រៅជាអ្នកចម្រៀងដែលប្រកបដោយទឹកដមសំនៀងផ្អែមត្រជាក់ នាងជាសិល្បករផ្នែកល្ខោននិយាយដ៏មានទេពកោល្យជាទីស្នេហានៃមហាជនផង។