النجع 2024 الحلقة 24 ياديار احكلي - حسن - صفاء

🟩يا ديار أحكلي 🌴 نجع 2024

#أجاويد
#النجع

لمشاهدة المزيد من الفيديوهات : https://shorturl.at/ftzW4
للاشتراك في القناة الرسمية: http://bit.ly/Agaweed_production

ردن عـليا يا ديـــــــــــــار أحكلي
ليش وين نصمل عـ الأوهام نولي

يا ديار مــرايف
على نجوع كانن في جبود ضفايف
توارن وخـلن فـ الصـدور حسـايف
علي دبـرن كيـف النـجـــاء قوللي

قالت كانوا
إكبار الجواحي في الخبال يقانوا
نعانوا بعد غابوا وياما عـــــانوا
زمان قلتـها وتـقـــول من قــايلي

ياديار نحنـوا
فـ عودة نواجع غابـية إنتمنوا
كبايا عليـهن ننـدبوا مـا نغـنوا
في كل موســم صوتـنا متـعلي

يا ديار إنزاحوا
اللي يفزعوا لعيطة الطايح طاحوا
واللي يحجموا جرت الرايح راحوا
لا يجـيبـها [غسان ]لا [باتــيلي ]

ياديار تقاصىٰ
نجع من إشرنن عـ الفليج مقاسه
لا سنـاح لللاهـم ولا قرنـاصـــة
ولا أجواد نقصدهم يفشوا غلي

غابن إشناب إيرفن
في وجوه كــانهن عاهدن بـ يوفن
يجيبن حجـــــايج ثامـرات يكفن
غيابهن الشــــوخة للسفيه مخلي

ياديار حنيني
نبرم تقول فـ كسبـــــرة مخليـني
غــــايب معيني وهيبتي وعريني
و أنتي هاك كيفي تعجني وتبلي

ياديار الفاقد
يكذب عليك إن كان قـــالك راقد
مركـــاب في جوفه يلهلب واقــد
غياب نجع بو مضحك وناب مجلي

ياديار أنجيكن
مرايف ونبرم كي الخــــرب عليكن
عـــــارف غـوالي ما بنلقىٰ فيـكن
إنجي بوحشتي نرجع مرافق ظلي

ياديار جبدني
حنيني الكن والشـــك بـ يراودني
نقــول برمتي للدار بي تسعـدني
ونحكـــــم على روحي إني متبلي

ياديار تخاطوا
فـ الراي مو واحد تباطوا شاطوا
للياش رقيوا والأجواد تواطــــوا
وردولنا الطليــــــان والعصملي

ياديار تمسن
عـ الخير عارفكن بـ شوقي تحسن
فـ ترابكن ما من وجٰــــوه إندسن
وين جيتكن في أغرودكن باننلي

قولن حاجـه
تبرد على قلبي تكون إعــــلاجة
قالن منين الدور دار عجـــــاجة
رينا ضناكم فٰـ الهمـــــٰوم تجلي

عطني شاهد
جرة نعالات السبيب تلاهـــد
صبن علو مصلي الشيخ الزاهد
اللي ما نسى ركعة ومات يصلي

جرت ناسك
وهيبة نواجعــــكم ومسقط رأسك
قات الديار نحس كيف إحساسك
رايفت يا ريت الزمــــــــــان يولي