Скачать или смотреть عبدالعزيز العليوي - ذكريات - 2024

ذكريات

كلمات : محمد الصقر المخلفي
لحن واداء : عبدالعزيز العليوي

اليوم راح من العمر حول خمسين
راحت ما كن اللي مضى غير ليلة

راحت وراحوا من هلي ناس غالين
راحو ولا في يدين الإنسان حيلة

فقدت فيها أبوي وأخواني أثنين
فقدتهم يا هي عليه ثقيلة

يوم أتذكر وقت كنا صغيرين
يا زينها من ذكرياتٍ جميلة

البيت مبنيٍ من اللبن و الطين
و سراج ن معلق برأسه فتيلة

ومن المساند نبني البيت دورين
والسقف مركا ثم نرجع نزيلة

وبين النخل نلعب ووسط البساتين
العابنا: هذا الحجر من يشيله

صغار كنا عايشيينٍ على الزين
ما كانت الغايه تبرر و سيله

الحي جامع حي و البيت بيتين
و من طاح منّا كلبونا نشيله

يا الله ترحم من توفوا على الدين
و يالله تسكنهم منازل ظليله

و يا الله ترحمني بعد راح ثلثين
من العمر واللي بقى عمر جيله

ويا الله تحفظ من رعتنا يتيمين
بيدينها أيدين الحنون الأصيلة

ويالله تحفظ لي أخوية مع أثنين
ذخري ليا من جات زلة وميلة

واللي لها وقفات معيه من سنين
وعيالي أوصيهم برأس الطويلة

و خواتي اللي حبهن بالشرايين
و أصحابنا من كل بد و قبيلة

ومن بعد كملنا من العمر خمسين
اللي بقى فيها سنين قليلة

ما راح منها راح منها على الزين
حفظتها عن كل عيب و فشيلة

واللي بقى يا رب تستره يا لين
أغادر الدنيا بستر و فضيلة

السيل يجري والأوادم مقفين
والسيل ما أحدٍ يمنعه عن مسيله

وبنوادع الدنيا مثل رمشة العين
وبنوادع قصور عريضة طويلة