Скачать или смотреть ប្រតិបត្តិការសឹកចេនឡាទី១ ខេត្តកំពង់ធំ /ខែកញ្ញា ឆ្នាំ១៩៧០ ដល់ខែមករា ឆ្នាំ១៩៧១/ From Me Video

(រូបភាពក្នុង​ Video នេះទាំងស្រុងគឺនៅក្នុងចន្លោះឆ្នាំ ១៩៧០ ដល់ ១៩៧១ ទាំងអស់)

ប្រតិបត្តិការសឹកចេនឡាទី១
ខេត្តកំពង់ធំ លើផ្លូវជាតិលេខ៦ ខែកញ្ញា ឆ្នាំ១៩៧០ ដល់ខែមករា ឆ្នាំ១៩៧១ កងទ័ពខ្មែរ បើកក្បួនទ័ពជាពីរជួរ។

-ជួរទី១ ដើរចេញពីស្រុកស្គន់ សំដៅកំពង់ថ្ម ត្រូវឆ្លងកាត់ស្រុកបី បាខម,តាំងគោក និង បារាយណ៍។ ជួរទី២ ដើរចេញពីស្រុកទ្រឿង សំដៅទៅកំពង់ថ្ម ឆ្លងកាត់ស្រុកពីរ, បុសខ្នោ និង ចំការអណ្តូង។ ក្នុងខែកញ្ញា ជួរទី១ វាយខ្មាំងសត្រូវរំដោះបានស្រុកតាំងគោក និងប្រជាពលរដ្ឋជាច្រើនដែលរស់នៅក្នុងតំបន់ពួកខ្មាំងកាន់កាប់។

-ជួរទី២ វិញបានជួបប្រទះប្រយុទ្ធជាមួយកងឯកភាពតូចៗ ខ្លះនៃកងពលលេខ៩ តាំងទ័ពនៅចំការកៅស៊ូអណ្តូង( កងទ័ពជាតិខ្មែរឥតបានដឹងថា នៅចំការកៅស៊ូអណ្តូង ជាទីតាំងទ័ពធំរបស់ខ្មាំងយួន នោះឡើយ) ក្បែរខាងលិចនៃផ្លូវជាតិលេខ៦របស់ខ្មាំងនៅបូសខ្នោ តែកងឯកភាពខ្មាំងដកថយចេញពីសមរភូមិ ព្រោះមិនឲ្យយន្តហោះសម្គាល់ទីតាំងទ័ពរបស់ខ្លួន។

នៅក្នុងខែវិច្ឆិកា និងខែធ្នូ ឆ្នាំ១៩៧០ មួយខែក្រោយពីធ្វើការប្រកាសសាធារណរដ្ឋខ្មែរ( ០៩ តុលា ១៩៧០) ពួកយៀកកុងហាក់មិនសូវរវល់ទប់ទល់នឹងការវាយលុកនៃប្រតិបត្តិការសឹកចេនឡានោះទេ,តែបែរជាជាវាយប្រហារទីតាំងទ័ពខ្មែរនៅតាមផ្លូវជាតិលេខ៧ នៅចន្លោះស្រុកព្រៃទទឹង និងទីក្រុងកំពង់ចាម ក្នុងគោលដៅវាយចូលកាន់កាប់ក្រុងកំពង់ចាមតែម្តង។ ប្រតិបត្តិការសឹករបស់ពួកយៀកកុង នេះជាការឆ្លើយតបទៅនឹងប្រតិបត្តិការសឹកចេនឡាផង និងចូលមកទីតាំងនៅក្នុងខ្សែក្រវាត់ការពារសុវត្តិភាព ក្នុងខ្សែបន្ទាត់ទប់ទល់ លន់ នល់ផង។
នៅពេលជាមួយគ្នានោះដែរកងឯកភាពយៀកកុងមកពីយួនខាងត្បូង ចូលមកក្នុងស្រុកខ្មែរ ទទួលបេសកកម្មពិសេស វាយកាត់ផ្តាច់ផ្លូវជាតិលេខ៤ (ភ្នំពេញ - កំពង់សោម) ។

ហើយនៅក្នុងខែមករា ឆ្នាំ១៩៧១ ក្នុងរាត្រីថ្ងៃទី២១ និង២២ កងអត្តឃាតពិសេសយួនខាងជើង មានចំនួន១០០នាក់ លួចចូលបានវាយចំណតអាកាសយានដ្ឋានពោធិចិនតុង និង មូលដ្ឋានកងទ័ពអាកាសខ្មែរ យន្តហោះចម្បាំងយោធា និងយន្តហោះស៊ីវិលស្ទើរតែទាំងអស់។

យើងឃើញថា២ ខែ បន្ទាប់ពី ប្រតិបត្តិការសឹកចេនឡា យួនកុម្មុយនីស្ត ធ្វើការវាយសម្រុកដ៏ធំទូលាយមួយនៅក្នុងបរិវេណការពារខ្មែរ ដើម្បីសម្រុញទ័ពខ្មែរ មិនឲ្យអាចនឹងប្រមូលផ្ដុំធ្វើប្រតិបត្តិការសឹកវាយលុក បាន និង ការកាត់ផ្តាច់ផ្លូវដឹកជញ្ជូនស្បៀងតាមផ្លូវជាតិលេខ៤។ នៅចំពោះមុខការវាយប្រហារធំទូលាយរបស់យួននោះ តម្រូវឲ្យអគ្គមេបញ្ជាការនៃកងទ័ពជាតិដកច្រើនកងវរសេនាតូចចេញពីសមរភូមិចេនឡា ដើម្បីយកមកការពារក្រុងភ្នំពេញវិញ។ ចាប់ពីពេលនោះមក ប្រតិបត្តិសឹក ចេនឡាទី១ ត្រូវបានផ្អាកមួយរយៈ។ ចប់

From me: is a modern social network that we want to present to you: International, International, History, Modern Technology, Politics and Entertainment ....

Please: Like & Subscribe