Скачать или смотреть វាលស្រីស្រណោះ Veal Srey Sronos -- Sinn Sisamouth / Pen Ron -- Khmer Golden Classic

វាលស្រីស្រណោះ Veal Srey Sronos -- Sinn Sisamouth / Pen Ron -- Khmer Golden Classic

វាលស្រីស្រណោះ
--- ស៊ីន ស៊ីសាមុត ---

១ បើមិនស្ម័គ្រខ្ញុំកុំបញ្ឈឺចិត្ត ស្រីមិនអាណិតដល់ចិត្តរៀមស្នេហ៍
អាសូរទ្រូងណាស់អភ័ព្វខុសគេ គេមានគូគេ
ទុក្ខខ្ញុំឥតល្ហែក្នុងសមុទ្រកម្ម

២ អនុស្សាវរីយ៍អូនហើយនិងបង រៀមបានចងក្រងជាយូរខែឆ្នាំ
លាក់ទុកក្នុងចិត្តដោយឥតប្រេះស្រាំ ឥឡូវទ្រូងកម្ម
ធ្លុះធ្លាយប្រេះស្រាំព្រោះតែស្រីម៉ុម

បន្ទរ វាលស្រីស្រណោះអើយ វាលស្រីស្រណោះកំណើតស្នេហ៍ខ្ញុំ
សង្ឃឹមថ្ងៃស្អែកថាបានសុខុម ឥឡូវវាលស្រីស្រណោះឧត្ដម បំភ្លេចចោលអស់

៣ បើមិនស្ម័គ្រខ្ញុំសូមប្រាប់ខ្ញុំផង ឆ្លើយប្រាប់មកបងថាលែងអាឡោះ
បងនឹងស្រែកផ្ដាំវាលស្រីស្រណោះ ស្រីចិត្តមិនស្មោះ
វាលស្រីស្រណោះជួយចាំខ្ញុំផង បញ្ចប់ៈ វាលស្រីស្រណោះជួយចាំខ្ញុំផង....

វាលស្រីស្រណោះ
--- ប៉ែន រ៉ន ---

១ វាលស្រីស្រណោៈមិនអស់អាល័យ
ចំរៀងប្រុសថ្លៃចងដៃឲអូន ខ្វេះខ្ញាំដួងចិត្តឲស្វិតស្រពោន
បើខុសពីអូន ទោះជីវិតសូន្យក៏អូនមិនថា។

២ វាលស្រីស្រណោះមិនអស់សង្ឃឹម
ម្តេចមិនញញិមឲអស់ចិន្តា ទៅហើយច្រៀងផ្តាំដៀលស្រីសាវា
បើអស់ប្រាថ្នា ម្តេចក៏ថ្លៃលាទៅទាំងទឹកភ្នែក?

បន្ទរ វាលស្រីស្រណោះអើយ
វាលស្រីស្រណោះអស់មានថ្ងៃស្អែក មានតែថ្ងែសោកនិងថ្ងៃយំយែក
មិនទាន់ដឹងចិត្តមានគេបំបែក ទៅទាំងក្តីស្មោះ។

៣ វាលស្រីស្រណោះវាលអស់ភក្តី
បើបងខឹងស្រីក៏ខឹងទៅចុះ អូនសូមស្រែកផ្តាំវាលស្រីស្រណោះ
ថាខ្ញុំមិនស្មោះ វាលស្រីស្រណោះពូនផ្នូរខ្ញុំផង៕