الليل والقمراء خالد ال بريك & سلطان الحويقل حصرياً 2024

الليل والقمراء خالد ال بريك & سلطان الحويقل حصرياً 2024





سنابي تشرفوني   / zlnzljho  




كلمات الشاعر
سلطان الحويقل:


















اداء المنشد ::
خالد ال بريك








الليل و القمرى وراس الرجم وانسام الهبوب
والديره اللي يشفق الطرقي على مشرافها

والدله الصفرى و مفتاح البريمي والدروب
والخوه اللي من يخاوي مثلها ما عافها

ومقالب البوز المصندق في هوى البكر اللعوب
اللي طويل الصوت يصفقها على ميلافها

وبيت الشعر والطاسه ام رغاه والنجر الجذوب
وذبح السمين اللي تميّل ب الحديد اطرافها

تاخذني امن الوجد والاوهام والنار الشبوب
اللي ورى عوج المحاني وسعت مضيافها

كبدي من الحره لو اتنقّع تحت غر النصوب
والله ماتبرد لو لحق .. هتافها هتافها

كبت المشاعر يرسم ( الصدمه ) على الوجه الشحوب
حتى لو ( الصدمه ) تمر العين ماحدن شافها

ليت الحزين اليا سكت يعطونه السان الكذوب
ترى الحزين ايعاني امن الكلمه اللي خافها

غرتني الشرهات واغوتني ملحفت العيوب
لين الليالي عن نواياها رمت بـ الحافها

مايعلم بغيب الخوافي غير علام الغيوب
والناس نعرف فرقها ب اشكالها واوصافها

حنا تعودنا على نطح المواقف و الوجوب
ننهج مناهيج الجدود ونقتدي ب اسلافها

واثر الوجيه البيض لا طاحت بـ سودان القلوب
اتشيل من غيض النفوس اضعاف غير اضعافها

مير الله الله و الحياه دروس و الراس معصوب
لومك على اللي لاوقف مايحتمي ميقافها

الوقت يمشي والزمن دوار والدنيا سحوب
واليا لحقنا ( خلاف ) والله مانصير اخلافها

ننطح معاويج الصفوف وندهل الصدر الرحوب
ونخاشر زحول العرب في عرفها واعرافها

ماحدن يسوق المدح لا هل المدح مجبر ومغصوب
تبجح بيوت القصيد و تعتزي في قافها

يامتعب الغربي لاون الشمس هفت للغروب
شمسك على كبد السماء ماحدن يبى مهيافها

كلن يعدك من مدهّش روق عطبين الضروب
فـ الساعه اللي نبتلش ب اثقالها واخفافها

دامك على كتفك تشيل البشت وكبار الخطوب
مالي ومال اللي مشالحها تهد اكتافها

اطنخ ياخو فالح فداك الاش و الخبل الهيوب
اللي ليا جات اللوازم صد عن محرافها

اخوانك اخوان السعد والاسم والفعل امحسوب
نادر حرارً من مخالبها .. تروم اهدافها

ذخر ( الحميدي ) و الحميدي من مفرجْت الكروب
ضلعً من عتيبه وركنً من ركون اشـرافها


تبكيه صفراً تنتل الزعجول وتطخ العشوب
اما على مرباعها والا علىً مصيافها

عودن على دربه فتر عزم اللواري والجيوب
كم ديرتن ( يزبر معداته ) بـ روس اشعافها

اليا عرض ( كمبه ) على اول دخلة الوسم الصبوب
كنك تشوف ( ارامكوا ) ب عقودها واحلافها

دناقل الونشات بيدها مشيل ام العصوب
في كل خمس ايام ينطل ف الكراج ات لافها

اللي يمينه بعد ربي تضمن ارباح الجلوب
ذيبً يولعً في عيال الضان لامن حافها

كن الصنايا في طرف بيته مداويح الهضوب
تكابر المفرود لين يضيع وسط اكنافها

ومن عقب عيالً مضريهم على دحم الجنوب
مامات لو موته يسبب للدموع اسرافها

ي الله عسى قبره ليا هلت هماليل النصوب
تاخذ ليا دور السنه ماينقطع هتافها



















من فضلك : اشتراك Subscribe - لايك Like فعل الجرس ليصلك كل جديد

تصميم : مقدام

للتواصل والاستفسارات :

الحسابات الرسمية لـ قناة مقدام .

‏SNAPCHAT : i1u-r

#خالد_ال_بريك
#السعودية
#ابداع_شعراء
#2024
#ابداع_مصممين
#ترند
#ابداع
#شيلات