මහාවංසය යනු කුමක්ද ? | History with Nirmal | නිර්මාල් සමග ඉතිහාසය

මෙම වීඩියෝවේ අරමුණ වන්නේ මා මීට පෙර වීඩියෝව මගින් සිංහබාහු හා මහරජ ගැමුණු යන චිත්‍රපට දෙක සම්බන්ධයෙන් දැක්වූ අදහස් සම්බන්ධව මතු වූ සාකච්ඡාවකට ප්‍රතිචාර දැක්වීමයි. මේ ප්‍රතිචාරයවල දක්නට ලැබුණු පොදු ලක්ෂණය වූයේ මහාවංසය පිළිබඳ මගේ ප්‍රවේශය ගැන මේ ප්‍රතිචාරකයින්ට පැහැදිළි අවබෝධයක් නොමැති බවයි. එක් අයෙක් ප්‍රකාශ කර තිබුණේ මගේ අදහස් ඉතාම ලාමක ඒවා බවත් මා මහාවංසය කියවා නොමැති බව පැහැදිළි බවයි. කෙසේ වුවත් මා එසේ මහාවංසය කියවා නොතිබීම මහාවංසය පිළිබඳ මගේ විචාරයට බලපා ඇත්තේ කෙසේදැයි ඒ ප්‍රතිචාරකයා ප්‍රකාශ කර නොතිබුණි. මෙකී ප්‍රතිචාරකයින්ට ප්‍රතිචාර දක්වන අතර මහාවංසය සම්බන්ධ මගේ ප්‍රවේශය නැවත වතාවක් අවධාරණය කිරීමට මෙම වීඩියොව මගින් බලාපොරොත්තු වේ. විශේෂයෙන්ම ලංකාවේ නූතන පොදුජන ඉතිහාස විඥානය සම්බන්ධයෙන් මහාවංසය ඉටුකරන කාර්යභාරය මෙහි දී විශේෂයෙන් සාකච්ඡාවට ලක් කෙරේ.