NENO LA SIKU | Luka 18 | Maombi Ya Kudai Haki Yako | Isaac Javan

Leo tunasoma kitabu cha Luka sura ya kumi na nane, na tunaenda kufanya maombi ya kudai haki yako. Katika maisha tunayoishi kila siku, watu wengi haki zao zimezuiliwa na shetani, na wamejikuta wanaishi kwenye mateso, mahangaiko na vifungo vya aina mbali mbali.

Wapo watu waliozuiliwa haki ya kuishi, wengine wamezuiliwa haki ya kupona, wengine wamezuiliwa haki za kubarikiwa, na wengine wamezuiliwa haki ya kuwa na amani. Lakini habari njema ni kwamba, YESU aliposhinda kifo na kaburi, moja kati ya uwezo na mamlaka aliyotupa, ni kudai haki zetu ili tuweze kuishi sawasawa na mapenzi yake.

Katika maombi ya siku ya leo, tunaenda kudai haki zetu zote zilizozuiliwa na shetani na wajumbe wake. Nami nakuombea ukauone uaminifu na mkono wa Mungu ukikupigania na kukushindia katika maombi ya leo. Maisha yako yapate badiliko na ukapate haki zako zote zilizokuwa zimezuiliwa katika ulimwengu wa roho. Damu ya YESU inene mema na ikufunike na kukushindia daima. Amen


Isaac Javan
+255 745 76 45 72