Скачать или смотреть WANAWAKE WA MABOGINI WAFUNGA BARABARA KWA ZAIDI YA SAA TATU

Wakazi wa kijiji cha Mabogini, kilichopo katika Wilaya ya Moshi mkoani Kilimanjaro, wamefunga barabara kwa zaidi ya saa tatu leo Aprili 17, 2025, wakipinga kile walichodai kuwa ni uelekezaji mbaya wa mitaro ya maji na mkandarasi wa barabara hali inayosababisha mafuriko kwenye makazi yao.


Mmoja wa wakazi, Fatuma Omary, ameeleza kuwa mvua kubwa iliyonyesha usiku wa kuamkia leo ilisababisha mafuriko kuingia ndani ya nyumba yao, na kuharibu mali zao, hali iliyowalazimu kutumia usiku mzima kuokoa kilichowezekana.

Kutokana na malalamiko hayo, Mkuu wa Wilaya ya Moshi, Godfrey Mnzava, alifika eneo la tukio akiwa ameambatana na wataalamu kutoka Wakala wa Barabara za Vijijini na Mijini (Tarura) pamoja na Bodi ya Maji ya Bonde la Pangani, na kutoa maagizo ya ndani ya siku mbili mfereji wa maji uwe umeelekezwa kwenye mto.