منير البقمي - وين اغيب ( صرت خايف )

وين اغيب
كلمات : سلمان النصيف
اداء : منير البقمي

ضيقتي ماهيب تطلع مع الدمع السكيب
ضيقتي ماتطلع الا بوزن وقافيه

كم لي اعاني من الضيق واحساسي غريب
والقريحه طافيه والمشاعر طافيه

يشتكي من قلة الوصل والجرح العطيب
من عشق في ظل حكم النوايا الصافيه

لين تصبح كبده من المحبة والنصيب
جمرةٍ لو ضمت الثلج تبقى دافيه

يابو وجه كنه الشمس في عكس المغيب
لاتصير ارواحنا فالهوى متنافيه

الحبيب يكون يسعى على اسعاد الحبيب
مايكون يكرهه في السنين اللافيه

صرت خايف كل ماجيت يمي وش تجيب
وحبنا سماه دخان وارضه جافيه

كان عندك جرح جرحين صبرك لين اطيب
الجروح اللي تسهر عيوني كافيه

انا مدري ويش اسوي ولا ادري وين اغيب
يوم قمت تكرر اخطائك المتقافيه

لو ما اخاف من المشاريه واخشى كل عيب
ولو ما اخاف اجيب للناس كلمه هافيه

كان قلت بعالي الصوت في الجمع المهيب
انقذوني من جروح الغرام الخافيه

والله ان أشد الاوجاع لا جيت الطبيب
وقال بعد الكشف مافيك غير العافيه