İngilis dilini öyrənmək üçün motivasiya || İngilis dili öyrənməyin 8 faydası

Ingilis dilini bilməyin birinci üstünlüyü elə bu dili bilməyənlərlə müqayisədə, bilənlərin daha çox iş tapa bilmə şansının olmasıdır. İngilis dili elm, kompüter, diplomatiya, aviasiya və turizm dilidir.
Əksər şirkətlərin tələblərini nəzərə alsaq, ingilis dili bilmək ölkəmizdə və ya xaricdəki beynəlxalq bir şirkətdə iş tapmaq şansınızı artıra bilər.
İkinciliklə Bu dili bilmək təhsil səviyyənizi daha da artırmaq imkanı yaradır. Keçən əsrlə müqayisədə, ingilis dilində yazılmış elmi məqalələr, araşdırmaçıların öz ana dillərində yazdıqları məqalələrin sayını ötüb keçməyə başlayıb. Hollandiyada misal üçün, bu 40:1 nisbətindədir. Yəni sadə dildə izah etsək hər 40 holland alimdən yalnız biri holland dilində elmi məqalə yazır .Bu səbədən ingilis dili biliyinizin olması elmi məqalələrdən və ya başqa elmi əsərlərdən istifadə edərək öz təhsil səviyyənizi yüksəltməkdə sizə çox kömək olacaqd. Lakin bu dilin təhsil sahəsindəki faydaları yalnız elmi məqalələrlə bitmir. İstənilən elm sahəsində qarşınıza çıxan hər hansısa bir problemi və ya anlaşılmayan bir hissəni ingilis dilində araşdırmaq digər dillərlə müqayisə də çox asandır. Ümumiyyətlə, təhsil sahəsində ingiliscə resursların bol olması sizə hərtərəfli kömək edəcək.
3-cü fayda kimi Kompüter və texnologiya sahəsində ən çox istifadə edilən dil ingilis dilidir. Kompüter proqramlarının çoxu da elə ingilis dilindədir. Bu istiqamətdə biliklərini genişləndirmək istəyənlər üçün ingiliscə oxumaq və anlamaq əvəzsiz önəm daşıyır. Məsələn, əgər gələcəkdə karyeranızı İT sahəsi və ya proqramlaşdırma üzrə davam etdirmək istəyirsinizsə ingilis dilinin sizə faydasını və vacibliyini sözlərlə ifadə etmək mümkün deyil.
4-cü faktor kimi, İstər axtardığınız həmin iş elanında tələb olunsun ya olunmasın, ingilis dilinin əhəmiyyəti gündəlik həyatımızda çox önəmlidir. Hər şeydən öncə ingilis dili qlobal bir dildir. Bu dili öyrənməklə siz qlobal bir dili bilmiş olursunuz. Yəni bu dil dünyada ən çox danışılan və ya başa düşülən kommunikasiya vasitəsidir. Araşdırmalar göstərirki hər 5 insandan ən azı biri ingiliscə danışa ya da heç olmasa anlaya bilir. Beləliklə müxtəlif ölkələrdən olan insanlarla əlaqə qura bilər, rahatlıqla informasiya mübadiləsi edə bilərsiniz. Və bu da öz növbəsində ətrafınızı genişləndirməyə, öz dünya görüşünüzü daha da artırmağa zəmin yaradacaq.
5-ci səbəb kimi Əgər ingilis dili bilirsinizsə rahatlıqla dünyanın əksər ölkələrinə səyahət edə bilərsiniz. Düşününki hər hansı bir Asiyiya ölkəsinə getmisiniz və nə yerli əhalinin dilini bilirsiniz nədəki ingilis dilini. Şübhəsizki, bu hal sizi əksər zamanlarda çətin vəziyyətdə qoyacaq. Amma ingilis dilində sərbəst danışıq bacarıqlarınız varsa getdiyiniz ölkənin bəzi vətəndaşları ilə ünsiyyət qurmaq sizin üçün bir problemə çevrilməyəcək.
İngilis dilini öyrənməyin 6-cı faydası olaraq, digər dilləri öyrənmək sizə daha rahat olacaq. İngilis dili öyrəniləməsi ən asan və sadə əlifbası olan dillərdən biridir. Bu dili öyrəndikdən sonra sizdə yaranan vərdiş və bacarıqlar başqa dilləri daha asan və daha tez qavramağınıza səbəb olacaq. Məsələn siz ingilis dilini sərbəst bildikdən sonra, digər dilləri bu dil ilə müqayisəli şəkildə daha tez öyrənə və qavraya bilərsiniz.
7-ci fayda nə qədər maraqlı səslənsə də, ingilis dilini bilməyin maddi cəhətdən qənaət etməyimizə səbəb olmasıdır. Məsələn, deyək ki, siz ingilis dilini bilirsiniz və əlavə ispan dilini də öyrənmək istəyirsiniz. İngiliscəni bildiyinizi nəzərə alaraq, siz YouTube’da və ya Google üzərindən ödənişsiz ispan dili dərsləri taparaq bu dildə biliklərinizi artıra bilərsiniz. Beləliklə hər hansısa kursa verəcəyiniz pula qənaət etmiş olursunuz. Əslində bu yeni dillər öyrənmək də daxil olmaqla demək olar ki, istənilən sahəyə aiddir.Tutaq ki, dizayn kurslarına getməyə büdcəniz yoxdur amma ingiliscə bilirsiniz deyə bunu onlayn ödənişsiz öyrənmək olar. Əvvəl də vurğuladığımız kimi ingiliscə resursların bol olması sizə biliklərinizi artırmaq istəyəcəyiniz sahədə, pula və vaxta qənaət edərək öyrənmək imkanı yaradır.
8-ci nüans kimi hansı yaşda olursunuzsa olun, ikinci bir dil öyrənməyin beyin fəaliyyətini yaxşılaşdırdığı bir həqiqətdir. Ümumi götürdükdə beyin yaşla birlikdə dəyişir, lakin aparılan araşdırma nəticəsində birdən çox dil bilən insanların daha diqqətli olmaları və diqqət testlərində daha yaxşı performans göstərdikləri görülür.
---------------------------------------------------------------------------------------------------------------------------------------------------------------
Animasiyanın hazırlanmasında istifadə etdiyimiz proqram: https://tidd.ly/2PdkVCV
Bizim animasiya xidmətimiz üçün əlaqə:   / businestalks  
---------------------------------------------------------------------------------------------------------------------------------------------------------------

Kontent Müəllifi: Kamran Səfərov
Səsləndirmə müəllifi : Kamran Tağıyev
Animasiya müəllifi : Ülkər Axundova