Apat na Siglo't Apat na Dekada (Sta. Ana De Hagonoy)

Ang leviticong bayan ng Hagonoy ay apat na siglo at apat na dekada ng hinuhubog at pinapanday ang pananampalataya sa Diyos sa pamamatnubay ng butihing patrona na si Santa Ana, Ina ng Mahal na Birheng Maria. Sa pagdaan ng panahon, binayo man ng mga unos , sinalubong man ang malalakas na agos at nilubog man ng baha ang bayan ay hindi lumamlam ang masidhing debosyon ng mga Hagonoeño sa kay Apo Ana.

At bilang selebrasyon ng ika-apat na daan at apatnapung taon ng pagkakatatag ng parokya ni Santa Ana ay inihahandog ang isang awitin na pinamagatang "Apat na Siglo't apat na Dekada" na inawit ni Seth Gabrielle R. Andes, titik ni Romano C. Perez, musika ni Justine Cedric Espinosa at pagsasaayos ni Charles Lyndon Perez.