Скачать или смотреть რუსული სამხედრო ინფრასტრუქტურა ოკუპირებულ აფხაზეთში

პარალელურად ინტერნეტში გალისა და ოჩამჩირის რაიონებში გადაღებული ფოტოები ვრცელდება. თანამგზავრით დაფიქსირებულ სურათებს აფხაზი ბლოგერი თიმურ აგრბა საკუთარ ბბლოგზე ავრცელებს. ფოტოები რაიონებში რუსი ოკუპანტების მიერ განლაგებულ სამხედრო ინფრასტრუქტურას ასახავს. ერთ-ერთი ქართველი ბლოგერის ინფორმაციით, ადგილზე განთავსებული შენობები, რუსი ეროვნების მოქალაქეებით უნდა შეივსოს, ამ გადაწყვეტილებით კი რუსეთის ხელისუფლება, რეგიონში დემოგრაფიული გარემოს შეცვლას ცდილობს. პარალელურად სოციალურ ქსელში ჩერქეზი საზოგადო მოღვაწის - იბრაჰიმ იაგანოვის კომენტარი ვრცელდება. "დამოუკიდებელი აფხაზეთის ყველა სახელმწიფო სტრუქტურაში რუსული სახელისუფლებო სრუქტურებია წარმოდგენილი. სამთავრობო და საპრეზიდენტო დონეზე, არცერთი თათბირი, რუსეთის ელჩის გარეშე არ ტარდება. თავდაცვის სამინისტროს ყველა დანაყოფში რუსული ოფიცრები არიან. აფხაზეთის მთელ ტერიტორიაზე კი რუსული სამხედროები არიან განლაგებულები. ეს დახმარება კი არა, ოკუპაციაა". - წერს იაგანოვი და დასძენს, რომ ნებისმიერ წუთს, როცა სოხუმი რუსეთის ფედერაციის ხელისუფლების მოთხოვნების შესრულებაზე უარს იტყვის, რუსული არმია ამოქმედდება. "შეგვიძლია ვთქვათ, რომ აფხაზეთის არმია აღარ არსებობს. რამდენიმე სამხედრო ქვედანაყოფი არანაირ როლს აღარ ასრულებს,"- ჩერქეზი საზოგადო მოღვაწის კომენტარის დასასრული.