Скачать или смотреть شيء أساسي لازم يكون بسيارة كل بنت/ كوتش أنيسة

قصة كل البنات لازم ينتبهو لها
و انا صراحة حمدت ربي اني كنت بمكان مغطى لما خلص شحن البطارية علي 🙏
⚠️الي صار يا كرام اني رحت أسوي فحص دم و الا قالولي انتظار ساعة ⏰ كاملة فرحت لسيارتي لكن الخطأ الي سويته اني شغلت السويتش على الاذاعة ( يعني موش مشغلة السيارة فقط التكة الاولى بالمفتاح ) و قعدت اسمع الاذاعة
⚠️و بعدين نادوني جا دوري رحت سحبو دم مني و طلعت / و إلا أتفاجأ انه سيارتي مو راضية تشتغل / كلمت زوجي و شرحتله الي صار و الا قالي هذه البطارية فقلت له ليش البطارية جديدة تونا مغيرينها ( فقالي معلومة خطيرة ) اسمعو يا بنات:
لما تشغلو السيارة و تفتحو الراديو عادي ما يفضى شحن البطارية / لكن لما فقط تشغلو السويتش الاول بدون تشغيل السيارة او تحطو فلاشر طويل ربع ساعة مثلا بدون تشغيل للسيارة الي يصير انه البطارية يفضى شحنها و لازم تنشحن 😬طبعا انا كنت اول مرة اعرف هالمعلومة
⚠️الي صار انه زوجي مشتري باور بنك او شحن للبطارية سهل الاستخدام نفس الي شفتوه بالفيديو
⚠️قالي انه بياخذ اوبر و يجي فقلت لا بس علمني بسويها انا ( صراحة حسيت في مهارة جديدة لازم اتعلمها ) لانه لو يجي هو بيسويها و انا ما راح اركز
⚠️فشرحلي شلون اركبها اول ( ركبتها ) و شرحلي فقط الموجب احطه على الموجب و السالب على السالب
و بعدها احط السويتش فقط التكة الاولى و انتظر 10 ثواني و بعدها اضرب المفتاح لفة كاملة
و الحمد لله اشتغلت
⚠️ملاحظة مهمة : لما تشغلو السيارة خلو الباور بنك راكب فيها 30 ثانية لا تشيلوه بسرعة( مدري ليش صراحة بس اتذكر زوجي قالي هالمعلومة و نسيت أسأله ليش😬)
⚠️عالعموم كان تكنيك جديد تعلمته و سهل جدا لكل بنت لاااااازم هالباور بنك صراحة يكون بسيارتها بنظري
⚠️راح انزل لكم فيديو كيفية تغيير العجلة 😬
وناسة والله 🫣
عالعموم حبيت اشارككم الموقف الي تعرضت له / مشاعري لما فصلت البطارية كنت متضايقة لانه عندي شغل بخلصه و حسيت بتأخر/ لكن لما سويتها انا البطارية بنفسي بدون ما زوجي يجي والله كانت مشاعر انتصار حلوة 💪😅
يلا شاركوني شنو المواقف الي تعرضتو لها و من وراها تعلمتو مهارة جديدة فورية ؟و احبكم كوتش أنيس💗