Скачать или смотреть 20 YAŞLI AZƏRBAYCAN BƏLƏDİYYƏSİ

Bələdiyyə - qanunla müəyyən edilmiş ərazi hüdudları daxilində yerli özünüidarəetmə formasıdır. 1995-ci il noyabrın 12-də qəbul edilən Azərbaycan Respublikasının Konstitusiyasında ilk dəfə olaraq bələdiyyələrin hüquqi statusu qanun çərçivəsində müəyyənləşdirilib. Ölkədə bələdiyyə institutu yaradılıb. Bu da dövlətçilik tarixinə mühüm hadisə kimi daxil olub. Azərbaycanda ilk bələdiyyə seçkiləri 1999-cu il dekabrın 12-də keçirilib. Bu il bələdiyyələrin fəaliyyətə başlamalarının iyirminci ili tamam olub.
Qanuna uyğun olaraq bələdiyyə seçkiləri hər beş ildən bir keçirilir. İkinci dəfə bələdiyyə seçkiləri 2004-cü ildə, daha sonra isə 2009 və 2014-cü illərdə baş tutub. Bu illər ərzində bələdiyyələr yerli özünüidarəetmə qurumu kimi müəyyən işlər görüb.
Azərbaycanda keçirilən ilk bələdiyyə seçkilərində 2700 bələdiyyə yaradılıb. Sonradan kiçik bələdiyyələrin birləşdirilməsi nəticəsində bu rəqəm 1771-ə endirilib. Rəsmi statistikaya görə, indi ölkədə 1606 bələdiyyə var. Bələdiyyələr şəhər, qəsəbə və ucqar kəndlərə qədər ölkənin bütün ərazisini əhatə edir. Bu qurumun öz mülkiyyəti, yerli büdcəsi və seçkili bələdiyyə orqanları var. Bələdiyyələrin fəaliyyəti ilə bağlı çoxsaylı qanunvericilik aktının qəbul edilməsinə baxmayaraq, bu sahədə bəzi boşluqların da olduğu mütəmadi olaraq gündəmə gətirilir.
Bələdiyyə seçkili orqandır və yalnız seçkilərdə səs toplayaq qalib gəlmiş namizədlər bələdiyyə üzvü olmaq hüququ əldə edirlər.