Скачать или смотреть Театар Фабрика - Homo Ludens - разговор со Горан Трајкоски

Хомо Луденс - претставува едукативна програма на Театар Фабрика која во себе вклучува разговори,предавања и тренинзи.

Homo Ludens или суштество кое има способност да игра, поточно независно од секоја можност и полза, спонтано да ја манифестира својата духовна и физичка енергија. Оваа човекова способност за игра е и основа на уметноста која е по природа игра ослободена од секоја принуда и присила. Во поимот на играта се пронаоѓа целосната дефиницијата за човекот како битие. „Човекот игра само таму каде што е во полно значење зборот човек, а тој е целосно човек само таму каде што игра“. -Шилер “За убавото”
За антрополошкото и филозофското значење на играта се занимавале и твореле многу филозофи. Некои од нив одат и дотаму што тврдат дека целата цивилизација произлегува од самата игра. Токму ова го вели Јохан Хујзинга во своето дело „Homo Ludens“. Тој вели:„ играта е постара од културата; зашто, колку и да е поимот на културата недоволно различен, тој секако подразбира човечко општетство, а и животните не чекале на луѓето овие допрва да ги научат да играат“

"Театар Фабрика" е независен театар кој овозможува преиспитување и создавање на вистински театарски вредности и естетски, експериментален пристап и постојана надградба на професионалните капацитети на сите театарски уметници.