Скачать или смотреть Xpert — LA POAX (Full Albom)

"La Poax" albomuna daxil olan bütün treklər yer alır.
Spotify: https://sptfy.in/mwgo

Sənətçi: Xpert
Janr: Underground Rap
Buraxılış tarixi: 30.09.2012

La Poax — təzadlarla dolu ruhun sənətsəl axtarışlarını dərinləşdirən ilk böyük mərhələdir.

Hərbi xidmətdən qayıdan Xpert bir neçə həftə sonra, La Poax albomunun ilk rəsmi parçası olan “Dörd Qallon Tullantı Rep”i yayımlayır. Həmin vaxta qədər treklər ReverbNation, SoundCloud, Myspace və s. platformalarda dağınıq şəkildə paylaşılırdı. Məhz bu sinql ilə Synaps Production-un rəsmi YouTube kanalı fəaliyyətə başlayır: “Dörd Qallon Tullantı Rep” kanala yüklənən ilk rəsmi layihə olur. Ardınca “La Poax”, “Rap olmasa da”, “Fransızsayağı İşgəncə”, “Beyin Analizi” də kanala yerləşdirilir və mini albom (EP) tamamlanır.

Makar10-dan sonra ona göstərilən rəğbətin bəzən pərəstişə çevrildiyini görən Şəhriyar (Xpert) bunun qarşısını almağa qərar verir. Onun fikrincə, kütlə bir yerdən sonra sənətçini “toxunulmaz” görür və etdiyi hər şeyi sorğulamadan qəbul edir. La Poax isə öz növbəsində bu yanaşmaya satirik-ironik bir reaksiya kimi formalaşır. Xpertin öz qurduğu obrazı karyerası ərzində bir neçə dəfə qəsdən dağıtması (növbəti albomlarda daha ətraflı) da elə bu fikirlə bağlıdır.
Sənətçinin öz sözləriylə desək :
“Beləliklə po*u çıxır repin, Eksin la poax-u.” (bax: “Beyin Analizi”)

“La Poax” sözü Xpertin bu layihə üçün icad etdiyi termindir. Sətiraltında fransız dilində “sülh” mənası verən “la paix” ifadəsinə fonetik referans da var; ümumi ab-hava və treklərin tərzi ilə Xpertin fransız underground repindən bəhrələndiyini görürük.

Səsyazmaların bir hissəsi Ozan Recordsda baş tutur. Bu məkan All in Label dövrü ilə də xatırlanır.
All in Label — ayrı hip-hop çevrələrini (Synaps Production, Rhyme Park, Rap Out Clan, A-Team) bir araya gətirən sənətçi birliyinin adı idi. Mir Telestudio binasında yerləşən Ozan Records həmin birliyin bazasına çevrilmişdi. Gənclər orada saatlarla vaxt keçirir, ideyalar bölüşür, bir-birinin mətnlərinə qulaq asır və yaradıcı müzakirələr edirdilər. Bu kollektiv ab-hava La Poax-ın yaradıcı axtarışlarını qidalandıran əsas mənbələrdən biridir.

2025-ci ildə La Poax genişləndirilərək 15 treklik klassik albom (LP) formatında təqdim olunur. Əlavə edilən parçalar eyni ruhu daşıyan, 2010–2014 aralığına aid sinqllardır.

EP-də yer alan “Şaman” treki Xpertin karyerasında dönüş nöqtəsi sayıldığı üçün albomdan çıxarılır və ayrıca layihə kimi təqdim edilir. Bundan başqa “Jamen Jamel” Xpertin hərbi xidmətdə yazdığı yeganə mətn kimi bilinir. “Disspersia” isə fars reperlərinin Azərbaycan repinə yazdığı dissə cavabdır və albom xronologiyasında ən köhnə (2010) trek hesab olunur.

Mini versiyada yer alan skit (“Barda” adlı qalmaqallı türk filmindən məhkəmə səhnəsi), uzun versiyada “Bizim Cəbiş Müəllim” filmindən seçilmiş parçalarla (intro, skit, outro) əvəzlənir.

EP-dəki cover LP-də daha nostaljik bir foto ilə əvəzlənir. Şəhriyarın (Xpert) fikrincə, şəkildəki uşaq La Poax dövrünün “dəcəl Xpert” ruh halını daha dəqiq yansıdır.

Albomun tam versiyasının rəqəmsal məcraya hazırlanması prosesində art-direktor Mikaelzadé, məsləhətçilər Hüseyn Zərdabi və E.Q., menecer isə İsmayıl Zeynalzadədir.

00:00 - Tez ol, aç qapını!
00:08 - Jamen Jamel
02:05 - Rhyme Killaz
03:43 - 4 Qallon Tullantı Rap
05:16 - Fransızsayağı İşgəncə
08:32 - Rap Magnat
11:32 - Gərək qarışdırasan
11:58 - Flik Flak
15:20 - Qamçıla Məni
17:17 - La Poax
20:06 - Beyin Analizi
23:19 - Rap olmasa da
25:21 - Disspersia
29:07 - A shit
32:52 - Hamı harda, sən də orda!

©/℗ 2025 — 101 Moon Records

Diqqət! Vacib xəbərdarlıq:
Bu albomda söyüşlü ifadələr mövcuddur.