Скачать или смотреть ချစ်ခြင်းမေတ္တာသည်

◾Bishop Francis Than Htun ရဲ့ဩဝါဒများစွာထဲကမှ Admin အနှစ်ခြိုက်ဆုံး ဩဝါဒထဲကမှဒီဩဝါဒပဲဖြစ်လို့ သေချာနှလုံးသားနဲ့ သေချာစဉ်းစားပြီးသေချာနာယူကြည့်ပါ။ အားလုံးအတွက် တစ်ခုမကပဲအများကြီးရလိုက်မယ့် ဩဝါဒပါ။

◾ချစ်ခြင်းမေတ္တာ သည်သိမ့်မွေ့နူးညံ့ပြီး အနက်ရှိုင်းဆုံးသို့စွဲခေါ်တတ်သကဲ့သို့ ထိုချစ်ခြင်းမေတ္တာသည် ပေါင်းစည်းခြင်းနှင့် ငြိမ်းချမ်းခြင်းကိုပေးတတ်သည်။ မိသားစုတွေစိတ်ဝမ်းကွဲတယ်၊မောင်နှမတွေမတည့်ကြဘူး၊မိဘတွေ အမြဲရန်ဖြစ်နေကြတယ်။ ကမ္ဘာကြီးကရွာကြီးဖြစ်လာဖို့အတွက်ချစ်ခြင်းမေတ္တာနဲ့ဦးဆောင်မှသာ တည်မြဲမယ်။နိူင်ငံကြီးချစ်ခြင်းမေတ္တာရှိမှသာ တိုးတက်မယ်။အဖွဲ့အစည်းတစ်ခုနဲ့တစ်ခုရန်ဆောင်နေကြ၊အချင်းချင်းမတည့်ကြရင် ပျက်စီးကြမှာပါပဲ။ချစ်ခြင်းမေတ္တာမရှိ၊မိမိအတ္တနဲ့မာနကိုရှေ့တန်းတင် ၊ကိုယ်ချင်းစားစိတ်မရှိမသနားမညှာတာ၊အချင်းချင်းလေးစားမှုမရှိ ဒီလိုသာဆို ကွဲရှလွယ်တဲ့ ဗုံးတစ်လုံးလိုပါပဲ။ အချင်းချင်းမစည်းလုံးပဲ၊တစ်ဦးနဲ့တစ်ဦး ကျားချောင်းချောင်းပြီး လုပ်ကြံကြတဲ့ ချစ်ခြင်းမေတ္တာမရှိတဲ့သူတွေက မြေခွေးလို လူစားမျိုးပါပဲ။

◾နယ်ပယ်တိုင်းမှာ ဦးဆောင်လမ်းပြသူတစ်ဦးရှိစမြဲပါပဲ။ဒီဦးဆောင်လမ်းပြသူတွေကို မိမိတို့ရဲ့အုပ်ထိန်းသူဟုလည်း ကင်ပွန်းတပ်လို့ရပါတယ်။ဒီအုပ်ထိန်းသူ သိုးထိန်းတို့မည်သည် အချင်းချင်းစည်းလုံးမှုမရှိသူကို ပေါင်းစည်းပေးခြင်း၊မေတ္တာပြခြင်း၊ချစ်ခြင်းမေတ္တာထားခြင်း၊ခွင့်လွှတ်နားလည်ခြင်းများနဲ့အတူ မိမိရဲ့သိုးစုကိုကာကွယ်ပေးတတ်ပါတယ်။ထိုနည်းတူ ရင်ဆိုင်တိုက်ခိုက်ရာတွကိလည်း ရှေ့မှမားမားမတ်မတ်ရပ်တည်ကာ ဦးဆောင်သတဲ့။ပြီးနောက် ကောင်းသောစားကျက်ကို ခေါ်ဆောင်ပါတယ်။

◾သခင်ယေဇူးမိန့်တော်မူသည်မှာ ငါသည် စပျစ်နွယ်ပင်ဖြစ်​၏ သင်တို့သည်စပျစ်နွယ်ပင်​၏အကိုင်းအခက်ဖြစ်ကြ​၏။ပင်စည်ဖြစ်တဲ့ ငါ၌မတည်လျှင်သင်တို့ဖြစ်တဲ့အကိုင်းအခက်သည် ပျက်စီးကြလိမ့်မည်။ ဒီကနေ့မျက်မှောက်ခေတ်မှာ ငွေကြေးချမ်းသာပြီး၊ ပစ္စည်းဥစ္စာကြွယ်ဝပြီး ဩဇာအာဏာရှိရင် နိူင်ငံကြီးတွေမှာနေထိုင်ကြသည်ကို အဆင်အတန်းရှိတယ်လို့ လူတွေသတ်မှတ်ကြပါတယ်။သို့ပေမယ့် အခန်းထဲမှာနေပြီး အစားအသောက်အပြည့်အစုံ သူဌေးတစ်ယောက်ရဲ့စည်းစိမ်ဥစ္စာပြည့်စုံပါလျက် Stress ဖြစ်နေသူတွေ Psycho ဖြစ်သူတွေ Depression ဝင်နေသူတွေများစွာရှိနေကြပါတယ်။

◾ဆင်းရဲခြင်းဆိုသည်မှာ မစားရမသောက်ရချို့တဲ့နေတာကို ဆင်းရဲတာမဟုတ်ပါဘူး ၊ ချစ်ခြင်းမေတ္တာကို မခံစားရခြင်းက အမှန်စင်စစ်ဆင်းရဲခြင်းတဲ့ မှတ်သားစရာပါပဲ။လူတွေက ချစ်ခြင်းမေတ္တာကို လိုချင်ကြတာပါ။ဆာလောင်ငတ်မွတ်ကြတာပါ။လူတစ်ယောက်ရဲ့ ကြင်နာခြင်း၊ဂရုစိုက်ပေးခြင်း၊ပြုစုယုယခြင်း၊အလေးထားဦးစားပေးခြင်း၊စေတနာထားပေးခြင်း၊မိမိအပေါ် သဘောထားကြီးပေးခြင်း စတဲ့အရာတွေကိုလိုလားနေကြတာပါ။ဒါတွေကလည်းချစ်ခြင်းမေတ္တာကနေလာတာပါ။ ချစ်ခြင်းမေတ္တာဆင်းရဲတဲ့သူတွေမှာက ပိုက်ဆံငွေကြေးရှိစေဦး မိမိကိုရင်ထဲကလာတဲ့ခံစားချက်နဲ့မပေါင်းခြင်း၊မချစ်ခြင်း၊အလေးမထား၊ဂရုမစိုက်ခြင်း၊အထင်သေးအမြင်သေးခံရခြင်း၊အထီးကျန်နေ နေရခြင်း ဒါတွေဟာ အဆင်းရဲဆုံးအနွမ်းပါးလူတွေမှာသာ ဖြစ်နေတတ်တာပါ။

◾ချစ်ခြင်းမေတ္တာကို ခံယူချင်ရင်မိမိကိုယ်တိုင် ပေးတတ်ရပါမယ်။ပြတတ်ရမယ်၊မိမိရဲ့ချစ်ခြင်းကို ဖော်ပြတတ်ရမယ်။ဘုရားပေးတဲ့ချစ်ခြင်းမေတ္တာကို သင်သိရှိနားလည်ပြီဆိုရင် သင်သွားရာနေရာတိုင်းက လူတွေဟာပျော်ရွှင်နေကြမယ်။သင်သွားရာနေရာတိုင်းသည် စည်းလုံးညီညွတ်ကြလိမ့်မယ် ဟူသော အလွန်အဖိုးတန်တဲ့ ဩဝါဒကို Bishop Francis Than Htun မှတဆင့် အားလုံးနာယူခွန့်အားယူကြစို့။


#catholicfaith #youtube #catholicchurch #religious #universalchurch