Скачать или смотреть The brave lion And magic Tree Telugu story || వీర సింహం - మాయా చెట్టు | Magical stories Fairy tales

The brave lion And magic Tree Telugu story || వీర సింహం - మాయా చెట్టు | Magical stories Fairy tales

#Thebravelion #Magicaltree #moralstories #Telugukathalu #bedtimestories #cartoonstories

******* వీర సింహం - మాయా చెట్టు పార్ట్-1 **************
అడవిలో ధీర అనే సింహం ఉండేది.. దానికి వీర అనే కొడుకు ఉన్నాడు. వీరకి తల్లి లేకపోవడంతో ధీర అన్నీ తానై కొడుకుని చాలా బాగా చూసుకునేది.
అలాగే ధీర ఆ అడవికి మృగరాజు. చాలా మంచిది కూడా.. జంతువులకు ఏ కష్టం వచ్చిన ఆదుకునేది. దాంతో జంతువులన్నీ కూడా యువరాజు వీరని బాగా ఆడించేవి. అలా అడవంతా ఎప్పుడూ సంతోషంగా ఉండేది.

ఒకనాడు ధీర సింహం కొడుకుని వెంటబెట్టుకుని అడవంతా తిరుగుతోంది. వీర అల్లరి చేస్తూ అప్పుడప్పుడూ తండ్రికి దూరంగా వెళుతూ అటూ-ఇటూ పరుగులు పెడుతోంది.
"ఆ.. వీర.. జాగ్రత్త.. నా నుండి దూరం వెళ్ళకు.. ఏదైనా ప్రమాదం పొంచి ఉండవచ్చు.." అని హెచ్చరించింది..
"నేను ఈ అడవికి కాబోయే రాజుని.. నన్ను ఎవరూ ఏమీ చేయలేరు" అంటూ వీర అల్లరి చేస్తూ తండ్రికి దూరంగా వెళ్లిపోయింది.

అప్పుడే చెట్టుచాటుగా నక్కి ఉన్న పులి ఒకటి ధీరపై అమాంతం దాడికి దిగింది. ఊహించని ఈ దొంగ దాడికి సింహం నేల కొరిగే పరిస్దితి వచ్చింది. అయినా మృగరాజు కాబట్టి.. సత్తువ కూడగట్టుకుని దానిపై ప్రతిదాడికి దిగింది.

(ధీర సింహం-పులి ఫైట్)

దొంగ దెబ్బతో సగం ప్రాణాలు కోల్పోయిన ధీరసింహం .. తన కొడుకు వీర కోసం చూస్తూనే ప్రాణాలు విడిచింది. పులి తన పన్నాగం ఫలించడంతో అక్కడి నుండి నవ్వుకుంటూ వెళ్లిపోయింది.

ఎక్కడో దూరంలో ఆడుకుని తిరిగి వచ్చిన వీర.. తండ్రి అచేతనంగా కనిపించడంతో "లే నాన్నా .. లే.." అంటూ భోరున ఏడ్చేసింది. అసలు తన తండ్రిని చంపవలసిన అవసరం ఎవరికి ఉందో కూడా తెలియక వీర అయోమయంలో పడిపోయింది. చాలాసేపు అలా ఏడుస్తూనే ఉంది.
తండ్రి దగ్గరే కూర్చుని వెక్కి వెక్కి ఏడుస్తున్న వీర దగ్గరకు గొరిల్లా వచ్చింది. గొరిల్లాకి వీర పరిస్దితి చూసి చాలా బాధనిపించింది.
"చూడు వీరా.. ఇలా ఎంతసేపు బాధపడుతూ కూర్చుంటావు.. నెమ్మదిగా దీనికి కారకులను కనిపెడదాం.. కానీ ఆకలి సహజ లక్షణం .. మన కడుపు నింపుకునేందుకు అన్నీ మరిచి ముందుకు నడవక తప్పదు.. నీవు పెరిగి పెద్దవాడివి అయ్యేంత వరకూ మామలా నీ బాధ్యత నేనే చూసుకుంటాను.. పదా.." అని ఓదార్చి తన వెంట తీసుకెళ్ళింది..

ఆనాటి నుండి వీర మంచిచెడ్డలు గొరిల్లానే చూసుకునేది. వీర చిన్నవాడు కావడంతో అడవిలో మిగిలిన జంతువులకు నాయకుడిలా గొరిల్లా ఉండేది. అవన్నీ గొరిల్లా చెప్పినట్టే నడుచుకునేవి.

ఒకనాడు గొరిల్లాకి వేరే చోటుకి వెళ్లే పని పడి.. వెళుతూ వీరతో ఇలా అంది.
"నీవు చిన్నవాడివి .. బయట ఎవ్వరినీ కలవకు.. ఎందుకంటే.. ఎవరి వలన ఎప్పుడు ఎలాంటి ఆపద ముంచుకొస్తుందో మనం గ్రహించలేం.. ఇప్పటికీ మీ నాన్నను చంపింది ఎవరో మనకు తెలియలేదు.. జాగ్రత్త.. లోపలే ఉండు.."
అందుకు వీర సరేననడంతో గొరిల్లా వెళ్లిపోయింది.

గొరిల్లా వెళ్లి చాలా సేపయింది.. వీరకి విపరీతమైన ఆకలి వేస్తోంది. ఎంతసేపటికీ గొరిల్లా తిరిగి రాకపోవడంతో వీర స్థావరంలోంచి బయటకు వచ్చి ఆహారం కోసం వెతకసాగింది. వీర తిరిగి తిరిగి అలిసిపోయి ఒక చెట్టు క్రిందకు చేరింది.
వెంటనే ఆ చెట్టు బంగారు రంగులోకి మారిపోయి మాట్లాడటం మొదలుపెట్టింది.
"రా వీర.. మెట్లెక్కి లోపలికిరా.. "
చెట్టు మాట్లాడటంతో వీరకి ఆశ్చర్యం వేసింది..
"నాకేం అర్దం కావడం లేదు.. నీవెవరు.. "
"నేను మాయా చెట్టుని.. నీ ఆకలి తీర్చే బోలెడు ఆహారం నా దగ్గర ఉంది.. రా పైకిరా.. "
దాంతో వీర ముందు ఆకలి తీర్చుకోవాలి కాబట్టీ ఆలోచనలో పడ్డాడు..
"అంతేకాదు.. నీ తండ్రి ధీరని చంపిన వాడు ఎవడో నీకు చెబుతాను.. రా.. లోపలికి రా.."
వీర ఇక మరేమీ ఆలోచించకుండా.. మెట్లెక్కి చెట్టు లోపలికి వెళ్లసాగాడు..
Please like and subscribe the channel    / @chandamamatv1