Скачать или смотреть DD News Mizoram Chanchinthar | 7 November 2025 | 6:30 PM

Mizoram chhung leh ram hrang hrang a thil thleng te :

6:30 Local

1. Dampa bial bye-election neih turah November ni 9 Pathianni tlai dar 4 thleng Political party te campaign phal a ni.

2. Dampa bial MLA bye election, November ni 11-a neih tur inpuahchahna chuan a vawr tawp thleng chho tawhin, vawiin khan polling parties te tan training hnuhnung ber neih a ni. (RO bite included)

3. ZPM President Pu Lalliansawta chuan Dampa Bial MLA Bye-election neih turah, a hmawr bawk tanin, an party campaign danah mimal leh pawl hrang hrang, party dangte rilru tina zawng leh mit timim zawnga an awm palh a nih chuan an hriatthiamna an dil tih a sawi.

4. MNF Treasurer Pu Lalruatkima chuan Dampa bial MLA Bye Election neih turah an party candidate, MNF Sr Vice President Dr R Lalthangliana tawnhriat tam tak nei tawh, State sum mai ni lo, Central fund nena ṭawngkawpa hmasawnna sawichhuak thei tur thlang tling ngei turin Dampa bial mipuite a sawm.

5. BJP Mizoram chuan vawiin khan West Phaileng Dinthar Kawn ah Dampa bial MLA bye-election lo awm tur atan Street Campaign an buatsaih.

6. Mizoram Pradesh Congress Committee Treasurer Dr. Lalmalsawma Nghaka chuan, vawiin ni thlenga ram ral muang kan nih theihna chhan chu Dampa bial mipui te hmahruaina leh kum 1983-a Congress candidate Pu Liansuama an thlan tlin avang a ni a ti.

7. Red Bull Tlang Ruam 2025 qualification and final race chu vawiin khan Aizawl ah neih a ni.

National 6:30pm

1. President Droupadi Murmu chu Angola-ah ni li cham turin vawiin khan India a chhuahsan.

2. Prime Minister Narendra Modi chuan Varanasi, Uttar Pradesh-ah Vande Bharat Express rel pali a vailiam.

3. Denmark chuan kum 15 hnuai lam naupang tan Social Media hman a khap.

4.Nagaland chuan an state chhunga district tin-ah kum upa te enkawlna a din dawn.

5. Jamaica leh Cuba-in thlipui Melissa an tawrh avanga India in a tanpuinaah lawmthu an sawi.

6. Hun rei tak sava hri a len avanga Delhi sahuan khar a nih hnu-ah vawiin khan mipui tlawh theih turin hawn tan leh a ni.

7. Khawl chianloh avanga New Delhi-a Indira Gandhi International Airport (IGI) a thlawhna thlawk chhuak tur tihtawp chu dan pangngai-a kalpui leh a ni

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram