Скачать или смотреть ANNISIA APOKELEWA KUANZA MASOMO KIDATO CHA TANO UKEREWE

NANSIO - UKEREWE

Mkuu wa Wilaya Ukerewe Mhe. Hassani Bomboko amempokea na kumkabidhi katika uongozi wa Shule ya Sekondari Ukerewe mwanafunzi Annisia Luchagula mwenye umri wa miaka 19 aliyetaka kuozeshwa kwa nguvu na wazazi wake huko Kijiji cha Mamaye, Kata ya Mamaye Wilayani Misungwi Mkoa wa Mwanza.

Awali, Mwanafunzi huyo alikuwa akisoma Shule ya Sekondari Mamaye iliyopo Wilayani Misungwi na kupata ufaulu wa divisheni II ya pointi 20 katika mtihani wake wa kidato cha nne uliofanyika 2022.

Kutokana na ufaulu huo, mwezi Agosti 2023 Annisia Luchagula alichaguliwa kujiunga na kidato cha tano katika Shule ya Sekondari Ukerewe iliyopo Kata ya Kagunguli Wilayani Ukerewe Mkoa wa Mwanza kwa mchepuo wa Sayansi kombi ya CBG (Chemistry, Biology na Geography).